വയോധിക കിണറ്റിൽ മരിച്ച നിലയിൽ

വരവൂർ

വീട്ടുപറമ്പിലെ കിണറ്റിൽ വയോധികയെ മരിച്ച നിലയിൽ കണ്ടെത്തി. വരവൂർ ഹൈസ്കൂളിന് പിൻവശം മേച്ചേരി വീട്ടിൽ ശ്രീദേവി (69) ആണ് മരിച്ചത്. ​രാവിലെ എഴുന്നേറ്റ് പുറത്തുനടക്കുന്നതിനിടെ അബദ്ധത്തിൽ കിണറ്റിൽ വീണതാകാമെന്നാണ് പൊലീസിന്റെ പ്രാഥമിക നിഗമനം. ശ്രീദേവിയെ കാണാത്തതിനെത്തുടർന്ന് വീട്ടുകാർ നടത്തിയ തിരച്ചിലിലാണ് മൃതദേഹം കിണറ്റിൽ കണ്ടത്.​ വടക്കാഞ്ചേരിയിൽ നിന്നെത്തിയ ഫയർഫോഴ്‌സ് സംഘം മൃതദേഹം പുറത്തെടുത്തു. സംസ്കാരം നടത്തി. ഭർത്താവ്: നാരായണൻ നായർ. മക്കൾ: ഉണ്ണിക്കൃഷ്ണൻ, രാജലക്ഷ്മി, മണികണ്ഠൻ. മരുമക്കൾ: ധന്യ, നന്ദകുമാരനുണ്ണി, വിനീത.