ജനഹൃദയങ്ങൾ കീഴടക്കി അഡ്വ. ജെയ്സി

തൃക്കൂർ

ജനഹൃദയങ്ങൾ കീഴടക്കി വോട്ടർമാരുമായി സംവദിച്ചും ജില്ലാ പഞ്ചായത്ത് പുത്തൂർ ഡിവിഷൻ എൽഡിഎഫ് സ്ഥാനാർഥി അഡ്വ. ജെയ്സി കൂനംമാക്കലിന്റെ പര്യടനത്തിന് സമാപനമായി. സ്ഥാനാർഥിയെ വരവേൽക്കാൻ സ്ത്രീകളും കുട്ടികളുമടങ്ങുന്ന സംഘങ്ങൾ സ്വീകരണ കേന്ദ്രങ്ങളിലെത്തി. പുത്തൂർ ഡിവിഷൻ ഇത്തവണ എൽഡിഎഫ് പിടിക്കുമെന്ന സന്ദേശമാണ് എവിടെയും കേട്ടത്. രാവിലെ 8ന് തൃക്കൂർ പഞ്ചായത്തിലെ മുട്ടിഅടിയിൽ നിന്ന് ആരംഭിച്ച പര്യടനം അളഗപ്പനഗർ, നെന്മണിക്കര, വരന്തരപ്പിള്ളി പഞ്ചായത്തുകളിലെ സ്വീകരണത്തിനു ശേഷം പാഞ്ചിറയിൽ സമാപിച്ചു.