വെളിച്ചത്തിലേക്ക് നയിക്കാൻ റെഡ്‌ റിബൺ ദീപം

കാസർകോട്

ലോക എയിഡ്സ് ദിനാചരണത്തിന്റെ ഭാഗമായി കാസർകോട് ജനറൽ ആശുപത്രിയിൽ പ്രവർത്തിക്കുന്ന എആർടി സെന്ററിന്റെ ആഭിമുഖ്യത്തിൽ ജനറൽ ആശുപത്രി കോംപൗണ്ടിൽ റെഡ് റിബൺ മാതൃകയിൽ ദീപം തെളിയിച്ചു. ഇരുളിൽനിന്നും വെളിച്ചത്തിലേക്ക് എന്ന സന്ദേശം ഉയർത്തി നഴ്സിങ്‌ വിദ്യാർഥികൾ മെഴുകുതിരി തെളിയിച്ച് സന്ദേശയാത്ര നടത്തി. എആർടി സെന്റർ മെഡിക്കൽ ഓഫീസർ ഡോ. ഫാത്തിമ മുബീനറാലി ഉദ്ഘാടനം ചെയ്തു. ഐഎംഎ കാസർകോട് ബ്രാഞ്ച് പ്രസിഡന്റ്‌ ഡോ രേഖ റായ് റെഡ് റിബൺ ദീപം തെളിയിക്കൽ ഉദ്ഘാടനം ചെയ്തു. ഐഎംഎ കാസർകോട് ബ്രാഞ്ച് സെക്രട്ടറി ഡോ അണ്ണപ്പ കാമത്ത്, ജെഎച്ച്ഐ രാധാകൃഷ്ണൻ, നഴ്സിങ്‌ ഓഫീസർ എസ് പി നിഖില, സീനിയർ നഴ്സിങ്‌ ഓഫീസർ ഷിമ്മി മാത്യു, സുജ എസ് തോമസ്, സ്റ്റാഫ് കൗൺസിൽ സെക്രട്ടറി ടി സതീശൻ, കെഡിഎൻപി പ്ലസ് പ്രൊജക്ട് ഡയറക്ടർ കുഞ്ഞികൃഷ്ണൻ, കോഡിനേറ്റർ കെ പൂർണിമ എന്നിവർ സംസാരിച്ചു. " പ്രതിസന്ധികളെ അതിജീവിച്ച് പ്രതിരോധ പ്രവർത്തനങ്ങൾ മുന്നോട്ട്" എന്ന പ്രമേയത്തിൽ തിങ്കളാഴ്ച ജനറൽ ആശുപത്രിയിൽ ബോധവത്കരണ പരിപാടി, പോസ്റ്റർ എക്സിബിഷൻ തുടങ്ങിയവ നടത്തും.