രാഹുൽ മാങ്കൂട്ടത്തിലിനെതിരെ പ്രതിഷേധം

രാഹുൽ മാങ്കൂട്ടത്തിലിനെ അറസ്റ്റ് ചെയ്യണമെന്നാവശ്യപ്പെട്ട് എസ്എഫ്ഐ എളേരിയിൽ നടത്തിയ പ്രകടനം
കാസർകോട്
കേരളത്തിന് അപമാനമായ രാഹുൽ മാങ്കൂട്ടത്തിൽ എംഎൽഎ സ്ഥാനം രാജിവയ്ക്കണമെന്നും ഒളിവിലുള്ള പ്രതിയെ കണ്ടെത്തി അറസ്റ്റ് ചെയ്യണമെന്നുമാവശ്യപ്പെട്ട് ജില്ലയിലെ വിവിധ കേന്ദ്രങ്ങളിൽ എസ്എഫ്ഐ നേതൃത്വത്തിൽ വിവിധ കേന്ദ്രങ്ങളിൽ പ്രതിഷേധ പ്രകടനം സംഘടിപ്പിച്ചു. എളേരിത്തട്ടിൽ ജില്ലാ സെക്രട്ടറി കെ പ്രണവ് ഉദ്ഘാടനം ചെയ്തു. ജില്ലാ പ്രസിഡന്റ് ഋഷിത സി പവിത്രൻ സംസാരിച്ചു. ചെറുവത്തൂർ ടൗണിൽ കെ പ്രണവ് ഉദ്ഘാടനംചെയ്തു. സംസ്ഥാന കമ്മിറ്റി അംഗം പ്രവിഷ പ്രമോദ് സംസാരിച്ചു. നീലേശ്വരത്ത് ജില്ലാ ജോയിന്റ് സെക്രട്ടറി കെ അനുരാഗ്, കാറഡുക്കയിൽ ജില്ലാ കമ്മിറ്റി അംഗം ദിപിൻ, മഞ്ചേശ്വരത്ത് ജില്ലാ കമ്മിറ്റി അംഗം കെ വി റോഷിൻ എന്നിവർ ഉദ്ഘാടനംചെയ്തു. തൃക്കരിപ്പൂരിൽ ലൂക്ക് ഔട്ട് നോട്ടീസുകൾ പ്രദർശിപ്പിച്ചായിരുന്നു പ്രതീകാത്മക പ്രതിഷേധം. ജില്ലാ വൈസ് പ്രസിഡന്റ് അനഘ നാരായണൻ, ജില്ലാ കമ്മിറ്റി അംഗം കാർത്തിക് രാജീവ് എന്നിവർ സംസാരിച്ചു.








0 comments