നാടിനെ തൊട്ടറിഞ്ഞ്‌

ദേശമംഗലം

ജില്ലാ പഞ്ചായത്ത് എരുമപ്പെട്ടി ഡിവിഷൻ എൽഡിഎഫ് സ്ഥാനാർഥി മീന സാജൻ ദേശമംഗലം, വരവൂർ പഞ്ചായത്തുകളിൽ പര്യടനം നടത്തി. ഓരോ കേന്ദ്രങ്ങളിലും ആവേശോജ്വലമായ സ്വീകരണമാണ് സ്ഥാനാർഥിക്ക് ലഭിച്ചത്. എരുമപ്പെട്ടി പതിയാരത്തു നിന്നാരംഭിച്ച പര്യടനം തിച്ചൂർ സെന്റർ, ചേലൂർ, പാറപ്പുറം, വിരുട്ടാണം, തളി, കടുകശേരി, ആറങ്ങോട്ടുകര, വരവൂർ, കൊണ്ടയൂർ, പല്ലൂർ സെന്റർ, ദേശമംഗലം, പള്ളം, കൂട്ടുപാത, തലശേരി തുടങ്ങിയ നിരവധി കേന്ദ്രങ്ങളിലെ സ്വീകരണത്തിനു ശേഷം കൊറ്റുപുറത്ത് സമാപിച്ചു. എൽഡിഎഫ് നേതാക്കളായ ഒ കെ ശശി, രഞ്ജിത്ത്, കെ വി ശങ്കരനാരായണൻ, വി ദേവാനന്ദ്, കെ വിപിൻദാസ്, കെ ജയരാജ് എന്നിവരും സ്ഥാനാർഥിക്കൊപ്പമുണ്ടായിരുന്നു.