കെ പി സന്ദീപിന്റെ ആദ്യഘട്ട പര്യടനം സമാപിച്ചു

ചേർപ്പ്

ജില്ലാ പഞ്ചായത്ത് താന്ന്യം ഡിവിഷൻ എൽഡിഎഫ് സ്ഥാനാർഥി കെ പി സന്ദീപിന്റെ ആദ്യഘട്ട സ്ഥാനാർഥി പര്യടനം പൂർത്തിയായി. ഞായർ രാവിലെ 8ന് മണലൂർ പഞ്ചായത്തിലെ മാമ്പുള്ളി റോഡ് പരിസരത്ത് നിന്നാരംഭിച്ച പര്യടനം മുരളി പെരുനെല്ലി എംഎൽഎ ഉദ്ഘാടനം ചെയ്തു. മണലൂർ, അന്തിക്കാട്, താന്ന്യം പഞ്ചായത്തുകളിലായി 28 കേന്ദ്രങ്ങളിൽ സ്വീകരണ പരിപാടികൾ നടന്നു. ഗ്രാമ, ബ്ലോക്ക് പഞ്ചായത്ത് സ്ഥാനാർഥികളും എൽഡിഎഫ് നേതാക്കളും സ്ഥാനാർഥി കെ പി സന്ദീപിനെ അനുഗമിച്ചു. സ്വീകരണകേന്ദ്രങ്ങളിൽ തടിച്ചുകൂടിയ ജനങ്ങൾ ആവേശകരമായ വരവേൽപ്പാണ് നൽകിയത്. വൈകിട്ട് താന്ന്യം പഞ്ചായത്തിലെ നവീന സങ്കേതം പരിസരത്ത് പര്യടനം സമാപിച്ചു.