ഗുരുവായൂര്‍ ഉത്സവത്തിന് കൊടിയേറി

ഗുരുവായൂര്‍

ഗുരുവായൂര്‍ ക്ഷേത്രോത്സവത്തിന് ശനിയാഴ്ച രാത്രി കൊടിയേറി. തന്ത്രി ചേന്നാസ് ദിനേശൻ നമ്പൂതിരിപ്പാട് കൊടിയേറ്റി. ഉത്സവത്തിന്റെ ഭാഗമായി ശനി രാവിലെ ആനയില്ലാ ശീവേലിയും ശേഷം ആനയോട്ടവും നടന്നു. ഉത്സവം തുടങ്ങിയതോടെ മേല്‍പ്പുത്തൂര്‍ ഓഡിറ്റോറിയത്തില്‍ കലാപരിപാടികള്‍ക്കും തുടക്കമായി. മാര്‍ച്ച് എട്ടിന് പള്ളിവേട്ട, ഒമ്പതിന് ആറാട്ടോടെ ഉത്സവം സമാപിക്കും. ​മേല്‍പുത്തൂര്‍ ഓഡിറ്റോറിയത്തില്‍ നടക്കുന്ന പരിപാടികളില്‍ ഒന്നാം ദിവസമായ ശനിയാഴ്ച രാത്രി ഒമ്പത് മുതല്‍ കലാമണ്ഡലം കലാമണ്ഡലം കൃഷ്ണകുമാര്‍, വേങ്ങേരി നാരായണന്‍ നമ്പൂതിരി,കലാമണ്ഡലം രാജന്‍,ഹരിനാരായണന്‍ എന്നിവരുടെ നേതൃത്വത്തില്‍ മേജര്‍ സെറ്റ് കഥകളി നടന്നു.