ജില്ലാ ഓണം വാരാഘോഷം ഇന്ന് തുടങ്ങും

ഇടുക്കി

ജില്ലാ ഭരണം, ജില്ലാ ടൂറിസം പ്രൊമോഷൻ കൗൺസിൽ, വാഴത്തോപ്പ് പഞ്ചായത്ത് എന്നിവ ചേർന്ന്‌ ഓണം വാരാഘോഷം സംഘടിപ്പിക്കും. ബുധനാഴ്‌ച മുതൽ സെപ്‌തംബർ ഒന്പത്‌ വരെ ചെറുതോണിയിൽ ഓണാഘോഷം സംഘടിപ്പിക്കും. രാവിലെ 10ന് കലക്ടർ ഡോ. ദിനേശൻ ചെറുവാട്ട് പതാക ഉയർത്തും. വൈകിട്ട് 6.30ന് കൊച്ചിൻ കൈരളിയുടെ ഗാനമേള അരങ്ങേറും. നാലിന്‌ ഓണപ്പാട്ട് മത്സരം, വാല് പറിക്കൽ മത്സരം, ബലൂൺ പൊട്ടിക്കൽ, പപ്പടം ഏറ്റ്, റൊട്ടികടി, ബോൾ ബാസ്കറ്റിങ്, ഹണ്ടിങ് സ്റ്റമ്പ് തുടങ്ങിയ വിവിധ കലാമത്സരങ്ങൾ ചെറുതോണി ജില്ലാ വ്യാപാര ഭവൻ ഹാളിൽ നടക്കും. ഒന്നാം സമ്മാനം 501 രൂപയും രണ്ടാം സമ്മാനം 301 രൂപയും മൂന്നാം സമ്മാനം 201 രൂപയുമാണ്. അഞ്ചിന്‌ തിരുവോണദിനത്തിൽ പഞ്ചായത്ത് തലത്തിൽ മത്സരങ്ങൾ നടക്കും. ആറിന്‌ ഫൈവ്സ് ഫുട്ബോൾ മത്സരം വാഴത്തോപ്പ് എച്ച്ആർസി ഗ്രൗണ്ടിൽ നടക്കും. എട്ടിന്‌ ചെറുതോണി മെയിൻ സ്റ്റേജിൽ വൈകിട്ട് മൂന്ന്‌ മുതൽ കൈകൊട്ടി കളി, ഇടുക്കി കലാജ്യോതിയുടെ ഡാൻസ് പ്രോഗ്രാം എന്നിവ അരങ്ങേറും. ഒന്പതിന് പകൽ 2.30 ന് ഓണം വാരാഘോഷം സമാപനത്തിന്റെ ഭാഗമായുള്ള ഘോഷയാത്ര ചെറുതോണി പെട്രോൾ പമ്പിന് സമീപത്ത് നിന്നും ആരംഭിക്കും. 3.30 ന് സമാപന സമ്മേളനം മന്ത്രി റോഷി അഗസ്റ്റിൻ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ്‌ രാരിച്ചൻ നീറണാംകുന്നേൽ അധ്യക്ഷനാകും.അഡ്വ. ഡീൻ കുര്യാക്കോസ് എം പി ഓണസന്ദേശം നൽകും. എംഎൽഎമാരായ എം എം മണി, പി ജെ ജോസഫ്, അഡ്വ. എ രാജ, മുൻ എം പി, അഡ്വ. ജോയ്‌സ് ജോർജ്, ഇടുക്കി ബ്ലോക്ക് പഞ്ചായത്ത് പ്രസിഡന്റ്‌ ഡോളി സുനിൽ, ജില്ലാ പഞ്ചായത്ത് ആസൂത്രണ സമിതി ഉപാധ്യക്ഷൻ സി വി വർഗീസ്, വാഴത്തോപ്പ് പഞ്ചായത്ത് പ്രസിഡന്റ്‌ ജോർജ് പോൾ, ജില്ലാ പഞ്ചായത്ത് അംഗം കെ ജി സത്യൻ, കലക്ടർ ഡോ. ദിനേശൻ ചെറുവാട്ട്, കെ എസ്‌ ഷൈൻ എന്നിവർ സംസാരിക്കും.