അന്യായ സ്ഥലംമാറ്റം: ജീവനക്കാരുടെ പ്രക്ഷോഭം തുടരുന്നു

തിരുവനന്തപുരം

രാഷ്ട്രീയപ്രേരിത മാനദണ്ഡവിരുദ്ധ സ്ഥലംമാറ്റങ്ങൾ അവസാനിപ്പിക്കുക, പൊതുസ്ഥലംമാറ്റം നടപ്പാക്കുക, സ്ഥാനക്കയറ്റം ഉടൻ നടപ്പാക്കുക എന്നീ ആവശ്യങ്ങൾ ഉന്നയിച്ച്‌ എൻജിഒ യൂണിയന്റെയും കെജിഒഎയുടെയും നേതൃത്വത്തിൽ വികാസ് ഭവനിൽ ആരംഭിച്ച അനിശ്ചിതകാല പ്രക്ഷോഭം തുടരുന്നു. ചൊവ്വാഴ്‌ച ധർണ എൻജിഒ യൂണിയൻ സംസ്ഥാന വൈസ് പ്രസിഡന്റ് എസ് ഗോപകുമാർ ഉദ്ഘാടനം ചെയ്തു. കെജിഒഎ തിരുവനന്തപുരം നോർത്ത് ജില്ലാ സെക്രട്ടറിയറ്റ് അംഗം ആർ അജയൻ അധ്യക്ഷനായി. എൻജിഒ യൂണിയൻ തിരുവനന്തപുരം നോർത്ത് ജില്ലാ ട്രഷറർ സി വി ഹരിലാൽ സംസാരിച്ചു.