പാറശാലയ്‌ക്ക്‌ പുതുവെളിച്ചം

പാറശാല

പാറശാല പഞ്ചായത്തിൽ സമാനതകളില്ലാത്ത സർവതലസ്പർശിയായ വികസനം നടപ്പാക്കി എൽഡിഎഫ്‌ ഭരണസമിതി. തനത് ഫണ്ട് ഉൾപ്പെടെ 70 കോടിയിലധികം രൂപയുടെ വികസന പ്രവർത്തനങ്ങളാണ് കഴിഞ്ഞ അഞ്ച് വർഷത്തിൽ നടപ്പാക്കിയത്. 517 കുടുംബങ്ങൾക്ക് ലൈഫിൽ വീടൊരുക്കി. പ്രാഥമികാരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി. ഭൂഗർഭജലത്തിന്റെ അളവ് വർധിപ്പിക്കാൻ കിണർ റീചാർജ്‌, തരിശ് നിലങ്ങൾ കൃഷി യോഗ്യമാക്കൽ തുടങ്ങിയവയ്‌ക്കൊപ്പം കായികരംഗത്തും തിളക്കമാർന്ന നേട്ടം കൈവരിച്ചു. ശിശു സംരക്ഷണത്തിന് പ്രത്യേക പരിഗണന നൽകി. അർഹതപ്പെട്ട 2378 പേർക്ക് ക്ഷേമപെൻഷൻ നൽകി. മാലിന്യ സംസ്കരണത്തിൽ നിലവാരമുള്ള എംസിഎഫ് സൗകര്യം. ഒന്നാംക്ലാസ് ഒന്നാംതരം പദ്ധതി നടപ്പാക്കി. കലാകാരൻമാരുടെ ഡാറ്റാബാങ്കും രൂപീകരിച്ചു. ബസ് ടെർമിനലിന് ഭൂമി വാങ്ങാൻ രണ്ട് കോടി അനുവദിച്ചു. ഗവ. എൽപി സ്കൂളുകളിൽ പ്രഭാതഭക്ഷണവും അടിസ്ഥാന സൗകര്യ വികസനങ്ങളും ഒരുക്കി. അങ്കണവാടികൾക്കും സ്കൂളുകൾക്കും ആശുപത്രികൾക്കും പുതിയ കെട്ടിടങ്ങൾ നിർമിച്ചു. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പ്രകാരം റോഡ് നിർമാണം, പൂ കൃഷി, പാട്ടകൃഷി, തീറ്റപ്പുൽകൃഷി, എല്ലാവാർഡിലും ഓരോ മിനി എംസിഎഫ് തുടങ്ങിയവ നടപ്പാക്കി. എൽ മഞ്‌ജുസ്മിത പ്രസിഡന്റും ആർ ബിജു വൈസ്‌ പ്രസിഡന്റുമാണ്‌. ​ആകെ വാർഡ്‌ –23 എൽഡിഎഫ്-–15 യുഡിഎഫ്- –8