പന്ത്രണ്ടുകാരിയെ തട്ടിക്കൊണ്ടുപോയ പ്രതിക്ക് 7 വർഷം കഠിനതടവ്

വിജിൻ
തിരുവനന്തപുരം
പന്ത്രണ്ടുവയസ്സുകാരിയെ തട്ടിക്കൊണ്ടുപോയ കേസില് പ്രതിക്ക് ഏഴുവർഷം കഠിനതടവും 25,000 രൂപ പിഴയും വിധിച്ചു. കരിങ്കുളം പുതിയതുറ സ്വദേശി വിജിനെയാണ് (26) നെയ്യാറ്റിൻകര അതിവേഗ പോക്സോ കോടതി ഒന്ന് ജഡ്ജി കെ എം സുജ ശിക്ഷിച്ചത്. പിഴ ഒടുക്കിയില്ലെങ്കിൽ ഒന്നരവർഷം അധികശിക്ഷ അനുഭവിക്കണം. 2020ൽ പുതുവർഷാഘോഷം കഴിഞ്ഞ് പുലർച്ചെയാണ് കേസിനാസ്പദമായ സംഭവം. അതിജീവിതയെ വീട്ടിൽനിന്ന് സ്കൂട്ടറിൽ കയറ്റിക്കൊണ്ടുപോകുകയായിരുന്നു. ഇതിനിടെ റോഡിലെ ഹമ്പിൽ തട്ടി തെറിച്ചുവീണ് പരിക്കേറ്റ അതിജീവിതയെ നാട്ടുകാരാണ് ആശുപത്രിയിൽ എത്തിച്ചത്. പ്രതി സമാനമായ കുറ്റകൃത്യം ചെയ്തതിന് ജയിൽശിക്ഷ അനുഭവിക്കുകയാണ്. പ്രോസിക്യൂഷനുവേണ്ടി സ്പെഷ്യൽ പബ്ലിക് പ്രോസിക്യൂട്ടർ പൂവച്ചൽ എഫ് വിനോദ്, വി ആർ മായാദേവി എന്നിവർ ഹാജരായി.








0 comments