മാപ്പിളപ്പാട്ടില്‍ ഫുട്ബോള്‍ താളം

മലപ്പുറം

ഫുട്ബോള്‍ ലോകകപ്പിന്റെ ഭാഗമായി മലപ്പുറം രാജാജി മെഹ്ഫിൽ മാപ്പിളകാലാ ആക്കാദമി നേതൃത്വത്തിൽ "ഫുട്ബോളിന്റെ താളവും മാപ്പിളപ്പാട്ടിന്റെ ഈണവും' പേരിൽ ഫുട്‌ബോൾ ഗാനാലാപനം നടത്തി. ഹനീഫ് രാജാജി രചനയും കെ പി ഹമീദ് മഗ്‌രിബി സംഗീതസംവിധാനവും നിർവഹിച്ചു. മുപ്പതോളം കലാകാരന്മാർ പാട്ടുപാടി. ബ്രസീലിന്റെയും അർജന്റീനയുടെയും ജേഴ്സികളണിഞ്ഞാണ് വിദ്യാര്‍ഥികളെത്തിയത്. പി ടി മുസ്തഫ, സൈദ് രണ്ടത്താണി, സുബൈർ മുണ്ടുപറമ്പ് എന്നിവർ സംസാരിച്ചു.