സംസ്ഥാന സ്‌കൂൾ ഫുട്‌ബോൾ കിരീടം ജില്ലയ്‌ക്ക്‌
മലപ്പുറത്തിന്റെ പിള്ളേര്‌ കിടുവല്ലേ...
സംസ്ഥാന സ്‌കൂൾ സീനിയർ ഫുട്‌ബോളിൽ ആൺകുട്ടികളുടെ വിഭാഗത്തിൽ ജേതാക്കളായ മലപ്പുറം ജില്ലാ ടീം
ജിജോ ജോർജ്‌
Published on Sep 29, 2025, 01:38 AM | 2 min read
മലപ്പുറം
കാൽപ്പന്തിനെ നെഞ്ചേറ്റിയ മലപ്പുറത്തിന്റെ പാരന്പര്യം തുടർന്ന്‌ പുതുതലമുറയും. കണ്ണൂരിൽ നടന്ന സംസ്ഥാന സ്‌കൂൾ ഗെയിംസിൽ സീനിയർ വിഭാഗം(അണ്ടർ 19) ഫുട്‌ബോളിലാണ്‌ ജില്ലയുടെ തകർപ്പൻ പ്രകടനം. ആൺകുട്ടികൾ ജേതാക്കളായപ്പോൾ പെൺകുട്ടികൾ റണ്ണേഴ്‌സ്‌ അപ്പായി. ആൺകുട്ടികളിൽ എട്ട്‌ പേരും പെൺകുട്ടികളിൽ രണ്ടുപേരും സംസ്ഥാന ടീമിലേക്ക്‌ തെരഞ്ഞെടുക്കപ്പെട്ടതും നേട്ടമായി. സൂപ്പറാണ്‌ പയ്യൻസ്‌ ആൺകുട്ടികളുടെ വിഭാഗത്തിൽ ഒന്നിനെതിരെ രണ്ടു ഗോളുകൾക്ക്‌ മലപ്പുറം കോഴിക്കോടിനെ കീഴടക്കുകയായിരുന്നു. ഇരുന്പിളിയം എംഇഎസ്‌ എച്ച്‌എസ്‌എസ്‌ കായികാധ്യാപകൻ പി ദിലീപിന്റെ ക‍ീഴിലാണ്‌ കുട്ടികൾ കളിക്കാൻ ഇറങ്ങിയത്‌. ടീം: കെ എം മുഹമ്മദ്‌ ഷിബിൻ, അദ്വൈദ്‌ ലിനേഷ്‌, പി യശ്വന്ത്‌ മൂൺ (എംഎസ്‌പിഎച്ച്‌എസ്‌ മലപ്പുറം), എസ്‌ അർജുൻ, അജ്‌സൽ റബീഹ്‌, അക്ഫൽ അജാസ്‌, എം വി ഡാനീഷ്‌, സിനാൻ ജലീൽ (എംഐസി അത്താണിക്കൽ), എം ഷിഫിൽ (ഐഒഎച്ച്‌എസ്‌ എടവണ്ണ), വി മുഹമ്മദ്‌ ആദിൽ (എംഇഎസ്‌ എച്ച്‌എസ്‌എസ്‌ ഇരുന്പിളിയം), മുഹമ്മദ്‌ ഫവാസ്‌, ടി അദ്‌നാൻ (എൻഎൻഎം എച്ച്‌എസ്‌എസ്‌ ചേലേന്പ്ര), ബി മുഹമ്മദ്‌ മുബിൻഷാ (എംഎംഎം എച്ച്‌എസ്‌എസ്‌ കൂട്ടായി), കെ മുഹമ്മദ്‌ ഷഹീം (കെഎച്ച്‌എം എച്ച്‌എസ്‌ ആലത്തിയൂർ), കെ പി മുഹമ്മദ്‌ ഷിനാസ്‌ (ഗവ. എച്ച്‌എസ്‌എസ്‌ ഒതുക്കുങ്ങൽ), വി ഫായദ്‌ ഫിറോസ്‌ (ജിഎച്ച്‌എസ്‌എസ്‌ മാറഞ്ചേരി), വി മിൻഹാജ്‌, എൻ അൻഷിദ്‌ (ഗവ. മാനവേദൻ വിഎച്ച്‌എസ്‌എസ്‌ നിലന്പൂർ). ആൺകുട്ടികളുടെ വിഭാഗം ദേശീയ ചാന്പ്യൻഷിപ്പ്‌ ആറു മുതൽ ശ്രീനഗറിലാണ്‌. ടീമിന്റെ പരിശീലന ക്യാന്പ്‌ പെരിന്തൽമണ്ണയിൽ പുരോഗമിക്കുന്നു. മലപ്പുറം ടീം പരിശീലകൻ പി ദിലീപാണ്‌ സംസ്ഥാന ടീമിന്റെയും പരിശീലകൻ. ചില്ലാണ്‌ ഗേൾസ്‌ പെൺകുട്ടികളുടെ വിഭാഗം ഫൈനലിൽ കണ്ണൂരിനോട്‌ പരാജയം രുചിച്ചെങ്കിലും ടൂർണമെന്റിലുടനീളം മികച്ച പ്രകടനമാണ്‌ മലപ്പുറം നടത്തിയത്‌. 18 അംഗ ടീമിലെ പത്തുപേരും നിലന്പൂർ ഗവ. മാനവേദൻ വൊക്കേഷണൽ ഹയർ സെക്കൻഡറിലെ താരങ്ങളായിരുന്നു. ചെറുകുളന്പ കെഎസ്‌കെഎം യുപിഎസിലെ കായികാധ്യാപകൻ വി എം ഹംസയായിരുന്നു പരിശീലകൻ. ടീം: പി ഫർഹാന ഫെബിൻ (ജിജിഎച്ച്‌എസ്‌ മലപ്പുറം), വി പി വർഷ (ജിഎച്ച്‌എസ്‌എസ്‌ ഇരുന്പുഴി), സജിഷ (ജിജിഎച്ച്‌എസ്‌ മഞ്ചേരി), ഇ വി ഫാത്തിമ ഷഹാദിയ (ജിജിവിഎച്ച്‌എസ്‌ തിരൂർ), സി ശിഖ, അഞ്‌ജന, പി അനന്യ കൃഷ്‌ണ, അയാന സന്തോഷ്‌, പി എസ്‌ അശ്വനി, കെ ജി ജിഷാന, ജിസ്‌ന ജോഷി, സി ഫിദ, എ ഷെസ അമീൻ, കെ ഐഷ നസ്‌റീൻ (ഗവ. മാനവേദൻ വിഎച്ച്‌എസ്‌എസ്‌, നിലന്പൂർ), ടി ഉമ്മു സൽഫ (ജിജിവിഎച്ച്‌എസ്‌ വണ്ടൂർ), യു എം ജുമാന നസ്‌റി (പിഎംഎസ്‌എപിടി എച്ച്‌എസ്‌എസ്‌ അക്കോവ്‌), വി നന്ദന (എച്ച്‌എംവൈ എച്ച്‌എസ്‌എസ്‌ മഞ്ചേരി), ഫാത്തിമ ഷിഫ (പിഎച്ച്‌എസ്‌എസ്‌ പന്തല്ലൂർ). മാനവേദൻ സ്‌കൂളിലെ പി എസ്‌ അശ്വനിയും ജിസ്‌ന ജോഷിയും സംസ്ഥാന ടീമിൽ ഇടംനേടി.
Tags
Related News
Dont Miss it
0 comments