ജല അതോറിറ്റി ജീവനക്കാരുടെ റിലേ നിരാഹാരം മൂന്ന്‌ ദിനം പിന്നിട്ടു

മലപ്പുറം

വാട്ടർ അതോറിറ്റി ജീവനക്കാരുടെ വിവിധ ആവശ്യങ്ങൾ ഉന്നയിച്ച്‌ കേരള വാട്ടർ അതോറിറ്റി എംപ്ലോയീസ് യൂണിയൻ (സിഐടിയു) മലപ്പുറം വാട്ടർ അതോറിറ്റി ഡിവിഷൻ ഓഫീസിനുമുന്നിൽ നടത്തുന്ന പഞ്ചദിന റിലേ നിരാഹാര സത്യഗ്രഹ സമരം തുടരുന്നു.

സമരത്തിന്റെ മൂന്നാംദിവസം സിഐടിയു ജില്ലാ സെക്രട്ടറി ടി കബീർ ഉദ്ഘാടനംചെയ്തു. യൂണിയൻ ജില്ലാ സെക്രട്ടറിയറ്റ് അംഗം സി പി അബ്ദുൾ ഗഫൂർ അധ്യക്ഷനായി. യൂണിയൻ ജില്ലാ കമ്മിറ്റി അംഗം എം മനേഷ്, മലപ്പുറം ബ്രാഞ്ച് അംഗം ഷബീർ കരുവാരക്കുണ്ട്, മഞ്ചേരി ബ്രാഞ്ച് അംഗം കെ ശിവദാസൻ എന്നിവരാണ് മൂന്നാംദിനം നിരാഹാരമിരിക്കുന്നത്.

യൂണിയൻ സംസ്ഥാന കമ്മിറ്റി അംഗം കെ പ്രശോഭ്, കെഎസ്ടിഎ സംസ്ഥാന എക്‌സിക്യൂട്ടീവ് അംഗം സി ടി ശ്രീജ, കെഎസ്ആർടിഇഎ ജില്ലാ ജോ. സെക്രട്ടറി സന്തോഷ്, വാട്ടർ അതോറിറ്റി പെൻഷനേഴ്സ് ഓർഗനൈസേഷൻ ജില്ലാ ജോ. സെക്രട്ടറി പി എം വിനോദ് കുമാർ, എൻജിഒ യൂണിയൻ ജില്ലാ ട്രഷറർ വി വിജിത്ത്, കേന്ദ്ര ജീവനക്കാരുടെ കോൺഫെഡറേഷൻ ജില്ലാ സെക്രട്ടറി ടി രാജേഷ്, നിർമാണ തൊഴിലാളി യൂണിയൻ ഏരിയാ സെക്രട്ടറി പി സുധാമൻ, വർക്കിങ്‌ വുമൺസ് കോ–ഓർഡിനേഷൻ ജില്ലാ കമ്മിറ്റി അംഗം ടി സൈഫുന്നീസ എന്നിവർ സംസാരിച്ചു. യൂണിയൻ ജില്ലാ സെക്രട്ടറിയറ്റ് അംഗം എസ് വി സുധീർ സ്വാഗതവും ജില്ലാ കമ്മിറ്റി അംഗം ശാരികാ ശങ്കർ നന്ദിയും പറഞ്ഞു.