ശൗര്യചക്ര ജെ രമേശ് വാര്യത്തിനെ അനുസ്‌മരിച്ചു

ശൗര്യചക്ര ജെ രമേശ് വാര്യത്ത് അനുസ്‌മരണം ജില്ലാ പഞ്ചായത്ത് സ്ഥിരംസമിതി അധ്യക്ഷ ഡി അംബുജാക്ഷി ഉദ്ഘാടനംചെയ്യുന്നു

വെബ് ഡെസ്ക്

Published on Jul 16, 2026, 12:35 AM | 1 min read

കായംകുളം
ജമ്മുകശ്‌മീരിലെ ഡോഡാ ജില്ലയിൽ തീവ്രവാദികളുമായി ഉണ്ടായ ഏറ്റുമുട്ടലിൽ വീരമൃത്യു വരിച്ച ശൗര്യചക്ര ജെ രമേശ് വാര്യത്തിന്റെ 22–-ാമത് വാർഷിക അനുസ്‌മരണദിനം ആചരിച്ചു. സോൾജിയേഴ്‌സ്‌ ഓഫ് ഈസ്‌റ്റ്‌ വെനീസും, ഗാർഡിയൻസ് ഓഫ് നേഷനും, അനുസ്‌മരണ കമ്മിറ്റിയും ചേർന്നാണ്‌ അനുസ്‌മരണം നടത്തിയത്‌. സ്‌മൃതിമണ്ഡപത്തിൽ പുഷ്‌പാർച്ചന നടന്നു. അനുസ്‌മരണസമ്മേളനം ജില്ലാ പഞ്ചായത്ത് സ്ഥിരംസമിതി അധ്യക്ഷ ഡി അംബുജാക്ഷി ഉദ്ഘാടനംചെയ്‌തു. അനുസ്‌മരണ കമ്മിറ്റി ചെയർമാൻ എ എ റഹീം അധ്യക്ഷനായി. മുരളീധരൻ വള്ളികുന്നം, എൻ കൃഷണൻ, എൻ സുകുമാരപിള്ള, അഡ്വ. എ ഷാജഹാൻ, അഡ്വ. സി എ അരുൺകുമാർ, ആർ ഗിരിജ, അഡ്വ. എ അജികുമാർ, എ ഷിജി, കെ ശിവപ്രസാദ്, ടി എ നസീർ, മിനി സലിം, അബ്‌ദുൾ വാഹിദ്, അനീസ നൗഷാദ്, അഡ്വ. എച്ച് സുനി, രാകേഷ്, അൻഷാദ്, റജീല നാസർ, ഡി സുധാകരൻ, പ്രെഫ. ജെ മുരളീദാസ് വാര്യത്ത് തുടങ്ങിയവർ സംസാരിച്ചു.