തണ്ണീർപ്പന്തലൊരുക്കി എൻജിഒ യൂണിയൻ

ചേർത്തല

കഠിനമായ വേനൽച്ചൂട്‌ കണക്കിലെടുത്ത്‌ കുടിവെള്ളം നൽകാൻ എൻജിഒ യൂണിയൻ മിനി സിവിൽ സ്‌റ്റേഷനിൽ തണ്ണീർപ്പന്തൽ സജ്ജമാക്കി. നഗരസഭാധ്യക്ഷൻ എസ്‌ സോബിൻ ഉദ്‌ഘാടനംചെയ്‌തു. യൂണിയൻ ഏരിയ പ്രസിഡന്റ്‌ സി എസ് നിഖിൽ അധ്യക്ഷനായി. ​ജില്ലാ സെക്രട്ടറിയറ്റംഗങ്ങളായ കെ വേണു, പി എസ്‌ വിനോദ്‌, ഏരിയ സെക്രട്ടറി കെ ജെ സുനിഷ്, കെഎസ്ടിഎ ജില്ലാ എക്‌സിക്യൂട്ടിവംഗം വി വിജുമോൻ, യൂണിയൻ ജില്ലാ കമ്മിറ്റിയംഗങ്ങളായ പി ഗിരീഷ്, എസ് ജോഷി, എം അരുൺ എന്നിവർ സംസാരിച്ചു.