ഹജ്ജ് സാങ്കേതിക പഠനക്ലാസ്

ആലപ്പുഴ

കേരള സംസ്ഥാന ഹജ്ജ് കമ്മിറ്റി മുഖേന ഹജ്ജിന് പുറപ്പെടുന്ന ഹാജിമാർക്കുള്ള രണ്ടാംഘട്ട സാങ്കേതിക പഠനക്ലാസ് സംഘടിപ്പിച്ചു. സംസ്ഥാന ഹജ്ജ് കമ്മിറ്റി അംഗം അനസ് ഹാജി അരൂർ ഉദ്ഘാടനംചെയ്‌തു. ജില്ലാ ട്രെയിനിങ്‌ ഓർഗനൈസർ സി എ മുഹമ്മദ്‌ ജിഫ്രി അധ്യക്ഷനായി. വലിയകുളം മസ്ജിദ് അസിസ്‌റ്റന്റ് ഇമാം മുഹമ്മദ്‌ അസ്‌ലം സഖാഫി പ്രാർഥന നടത്തി. നെടുമ്പാശേരി ഹജ്ജ് ക്യാമ്പ് മുൻ ഡയറക്‌ടർ എ എം ആരിഫ് മുഖ്യാതിഥിയായി. ഫാക്കൽറ്റിമാരായ എൻ പി ഷാജഹാൻ, സി എ മുഹമ്മദ്‌ ജിഫ്രി എന്നിവർ ക്ലാസ് നയിച്ചു. ജില്ലാ ഡെപ്യൂട്ടി മെഡിക്കൽ ഓഫീസർ ഡോ. ദിലീപ് ആരോഗ്യ ക്ലാസ് നയിച്ചു. അസിസ്‌റ്റന്റ് ജില്ലാ ട്രെയിനിങ്‌ ഓർഗനൈസർ ടി എ അലിക്കുഞ്ഞ് ആശാൻ, ഫീൽഡ് ട്രെയിനിങ്‌ ഓർഗനൈസർ മുഹമ്മദ്‌ കബീർ, ഹാജി കെ അബ്‌ദുൽ മജീദ്, അബ്‌ദുൽ വഹാബ് എന്നിവർ സംസാരിച്ചു.