ഒടിഞ്ഞുവീണ ഹൈമാസ്‌റ്റ്‌ ലൈറ്റിന്‌ ചുവട്ടിൽ മെഴുകുതിരി കത്തിച്ച്‌ പ്രതിഷേധം

ചെങ്ങന്നൂർ

ഒരുമാസമായി ഒടിഞ്ഞുവീണുകിടക്കുന്ന ഹൈമാസ്‌റ്റ്‌ വിളക്ക്‌ പുതുക്കിപ്പണിയാത്തതിൽ പ്രതിഷേധിച്ച്‌ വ്യാപാരി വ്യവസായി സമിതി ടൗൺ യൂണിറ്റ്‌ കമ്മിറ്റി ലൈറ്റിനുചുവട്ടിൽ മെഴുകുതിരികൾ തെളിയിച്ച്‌ പ്രതിഷേധിച്ചു. എംസി റോഡിൽ ചെങ്ങന്നൂർ ഗവ. ഐടിഐ ജങ്ഷനിലെ ഹൈമാസ്‌റ്റ്‌ ലൈറ്റ്‌ ഒക്‌ടോബർ 26ന് പുലർച്ചെയാണ് ഒടിഞ്ഞുവീണത്. സമീപത്തെ വ്യാപാരസ്ഥാപനങ്ങളിലെ സിസിടിവി ദൃശ്യങ്ങൾ പരിശോധിച്ചപ്പോൾ ചെങ്ങന്നൂർ ഭാഗത്തേക്ക് പോയ വലിയ വാഹനം ഇടിച്ചാണ് ലൈറ്റ് തകർന്നതെന്ന് കണ്ടെത്തി. ലൈറ്റിന്റെ അറ്റകുറ്റപ്പണി ചെയ്യേണ്ട നഗരസഭ ഇതുവരെയും നടപടികൾ ആരംഭിച്ചിട്ടില്ല. ഹൈമാസ്‌റ്റ്‌ വിളക്ക് ഉണ്ടായിരുന്നതിനാൽ ജങ്ഷനിലും സമീപത്തുമുള്ള മറ്റ്‌ വഴി വിളക്കുകളുടെ അറ്റകുറ്റപ്പണികളും നടത്താറില്ലായിരുന്നു. വ്യാപരസ്ഥാപനങ്ങൾ രാത്രി അടയ-്‌ക്കുന്നതോടെ തിരക്കേറിയ ജങ്ഷൻ ഇരുളിൽ മുങ്ങുകയാണ്. പ്രതിഷേധം സമിതി ചെങ്ങന്നൂർ ഏരിയ പ്രസിഡന്റ്‌ കെ പി മുരുകേശ് ഉദ്ഘാടനംചെയ-്‌തു. വിപിൻ ജോസ് പുതുവന അധ്യക്ഷനായി. ഷാജി, വി വി രാജൻ, കെ വൈ അശോകൻ, കെ സുരേഷ്, റൂത്ത് അശോകൻ, കുമാരി, സുരേഷ് എന്നിവർ സംസാരിച്ചു.