സ്ഥാനാര്‍ഥികളെ സ്വീകരിക്കാന്‍ നാടൊരുങ്ങി

അശ്വതി നിഖില്‍

കാർത്തികപ്പള്ളി

ജില്ലാ പഞ്ചായത്ത് ​മുതുകുളം ഡിവിഷൻ എൽഡിഎഫ് സ്ഥാനാർഥി അശ്വതി നിഖിലിന്റെയും ബ്ലോക്ക് – ഗ്രാമ പഞ്ചായത്ത് സ്ഥാനാർഥികളുടെയും ആറാട്ടുപുഴ പടിഞ്ഞാറേക്കരയിലെ പര്യടനം തിങ്കളാഴ്‌ച നടക്കും. രാവിലെ ഒമ്പതിന് വലിയഴീക്കൽ സമീക്ഷ ജങ്‌ഷനിൽ സിപിഐ എം സംസ്ഥാന കൺട്രോൾ കമീഷൻ ചെയർമാൻ കെ എച്ച് ബാബുജാൻ ഉദ്ഘാടനംചെയ്യും. 17 കേന്ദ്രത്തിലെ സ്വീകരണങ്ങൾക്കുശേഷം വൈകിട്ട് ആറിന് മംഗലം കുറിച്ചിക്കൽ ജങ്‌ഷനിൽ സമാപിക്കും.

അഡ്വ. നിതിൻ ചെറിയാന്‍

ചെങ്ങന്നൂർ

ജില്ലാ പഞ്ചായത്ത് മുളക്കുഴ ഡിവിഷൻ എൽഡിഎഫ് സ്ഥാനാർഥി അഡ്വ. നിതിൻ ചെറിയാന്റെയും ബ്ലോക്ക്, ഗ്രാമപഞ്ചായത്ത് സ്ഥാനാർഥികളുടെയും പ്രചാരണ പര്യടനം തിങ്കൾ രാവിലെ എട്ടിന് ബുധനൂർ പഞ്ചായത്ത് ആശുപത്രി ജങ്‌ഷനിൽനിന്ന്‌ ആരംഭിക്കും. സിപിഐ എം ജില്ലാ കമ്മിറ്റിയംഗം അംഗം ടി കെ ദേവകുമാർ ഉദ്ഘാടനംചെയ്യും. പുലിയൂർ, ആലാ പഞ്ചായത്തുകളിൽ പര്യടനം നടത്തി ആലാ എതിരേറ്റിൻമോടിയിൽ സമാപിക്കും. രണ്ടാംദിന പര്യടനം ചൊവ്വാഴ്‌ച ചെറിയനാട് കുളിക്കാംപാലം ജങ്ഷനിൽനിന്ന് ആരംഭിച്ച് മുട്ടുംപാട്ടുപടിയിൽ സമാപിക്കും. ബുധനാഴ്‌ച മുളക്കുഴ പഞ്ചായത്ത് കളരിത്തറയിൽ ആരംഭിക്കുന്ന പര്യടനം ആലിൻചുവട് ജങ്ഷനിൽ സമാപിക്കും. സമാപനസമ്മേളനം മന്ത്രി സജി ചെറിയാൻ ഉദ്ഘാടനംചെയ്യും.

ജി ആതിര

തകഴി

ജില്ലാ പഞ്ചായത്ത് ചമ്പക്കുളം ഡിവിഷൻ എൽഡിഎഫ് സ്ഥാനാർഥി ജി ആതിരയുടെ സ്വീകരണ പരിപാടി തിങ്കൾ രാവിലെ എട്ടിന്‌ കളങ്ങരിയിൽ ആരംഭിക്കും. ജനതാദൾ സംസ്ഥാന കമ്മിറ്റിയംഗം ഗോവിന്ദൻകുട്ടി കാരണവർ ഉദ്ഘാടനംചെയ്യും. ഒന്നുമുതൽ മൂന്നുവരെ നടക്കുന്ന സ്വീകരണ പരിപാടികൾ മൂന്നിന്‌ വൈകിട്ട് നെടുമുടിയിൽ സമാപിക്കും. സിപിഐ എം ജില്ലാ കമ്മിറ്റിയംഗം സി കെ സദാശിവൻ ഉദ്ഘാടനംചെയ്യും. പഞ്ചായത്ത്‌ വാർഡ്, ബ്ലോക്ക് പഞ്ചായത്ത് സ്ഥാനാർഥികൾ സീകരണ പരിപാടിയിൽ അതത് വാർഡുകളിൽ പങ്കെടുക്കുമെന്നും തെരഞ്ഞെടുപ്പ്‌ കമ്മിറ്റി സെക്രട്ടി കെ കെ ഷാജു അറിയിച്ചു.

കെ ആർ രാംജിത്ത്

മങ്കൊമ്പ്

ജില്ലാ പഞ്ചായത്ത് വെളിയനാട് ഡിവിഷൻ എൽഡിഎഫ് സ്ഥാനാർഥി കെ ആർ രാംജിത്തി ന്റെയും ബ്ലോക്ക് പഞ്ചായത്ത് സ്ഥാനാർഥികളുടെയും സ്വീകരണം തിങ്കൾ രാവിലെ എട്ടിന്‌ പുല്ലായത്ത്‌ ആരംഭിക്കും. സിപിഐ എം ജില്ലാ സെക്രട്ടറിയറ്റംഗം കെ ആർ ഭഗീരഥൻ ഉദ്ഘാടനംചെയ്യും. ഒന്നുമുതൽ മൂന്നുവരെ നടക്കുന്ന സ്വീകരണ പരിപാടികൾ മൂന്നിന്‌ വൈകിട്ട് ഊരുക്കരിയിൽ സമാപിക്കും. സമാപനസമ്മേളനം തോമസ് കെ തോമസ് എംഎൽഎ ഉദ്ഘാടനംചെയ്യും.