ഫോട്ടോ അനാച്ഛാദനവും 
അനുമോദന സമ്മേളനവും

ചാരുംമൂട്

നൂറനാട് പാറ്റൂർ ഗ്രാമസേവിനി ലൈബ്രറി ആൻഡ് റീഡിങ് റൂമിന്റെ നേതൃത്വത്തിൽ കേരളത്തിലെ നവോത്ഥാന നായകരുടെ ഫോട്ടോ അനാച്ഛാദനവും അനുമോദന സമ്മേളനവും നടന്നു. നൂറനാട് പഞ്ചായത്ത് പ്രസിഡന്റ്‌ എൻ രാജേഷ-്‌കുമാർ ഉദ്ഘാടനംചെയ-്‌തു. ലൈബ്രറി കൗൺസിൽ ആലപ്പുഴ ജില്ലാ സെക്രട്ടറി കെ രഘുപ്രസാദ് ഫോട്ടോ അനാച്ഛാദനംചെയ-്‌തു. ലൈബ്രറി പ്രസിഡന്റ്‌ കെ ബഷീർ അധ്യക്ഷനായി. താലൂക്ക് ലൈബ്രറി കൗൺസിൽ പ്രസിഡന്റ്‌ എൻ എസ് സലിംകുമാറിനേയും എംബിബിഎസ് പരീക്ഷയിൽ ഉന്നതവിജയം കൈവരിച്ച ഡോക-്‌ടർ ബി ഹരിതയെയും താലൂക്കുതല വനിതാ വായനാമത്സരത്തിൽ ഒന്നാംസ്ഥാനം നേടിയ ഡോ. ലത പി ബാബുവിനെയും ഉപഹാരങ്ങൾ നൽകി താലൂക്ക് ലൈബ്രറി കൗൺസിൽ സെക്രട്ടറി പ്രൊഫ. സുകുമാര ബാബു അനുമോദിച്ചു. പഞ്ചായത്തംഗം മണിരാജൻ, ലൈബ്രറി സെക്രട്ടറി എ ബാലകൃഷ-്‌ണൻ നായർ, എം വേണുനാഥദാസ്, പി ജയൻ, ആർ ശോഭനൻ, എസ് രാജേഷ്, പി എൻ യശോധരൻ എന്നിവർ സംസാരിച്ചു.