ഓണക്കാല പച്ചക്കറി കൃഷി തുടങ്ങി

കഞ്ഞിക്കുഴി
കെ കെ കുമാരൻ പെയിൻ ആൻഡ്‌ പാലിയേറ്റീവ് കെയർ സൊസൈറ്റി നേതൃത്വത്തില്‍ കർഷക അവാർഡ് ജേതാവ് ശുഭകേശൻ നടത്തുന്ന ഓണക്കാല പച്ചക്കറി കൃഷിയ്ക്ക് തുടക്കം. തൈനടീൽ ജില്ലാ പഞ്ചായത്ത് മുൻ പ്രസിഡന്റ് ആർ നാസർ ഉദ്ഘാടനം ചെയ്തു. പൊതുമേഖലാ സ്ഥാപനമായ സിൽക്കിന്റെ പാട്ടത്തിനെടുത്ത പറമ്പിലാണ് പതിമൂന്നിനം പച്ചക്കറികളും വൈവിധ്യമാർന്ന പൂച്ചെടികളും കൃഷി ചെയ്യുന്നത്. പാലിയേറ്റീവ് ചെയർമാൻ എസ് രാധാകൃഷ്ണൻ, കഞ്ഞിക്കുഴി പഞ്ചായത്ത് പ്രസിഡന്റ് എം സന്തോഷ് കുമാർ, സിപിഐ എം ഏരിയാ സെക്രട്ടറി ബി സലിം, സുനീഷ്, അപ്പുക്കുട്ടൻ നായർ എന്നിവര്‍ സംസാരിച്ചു.