ബസ് ബ്രേക്ക് ഡൗണായി; ഗതാഗതം തടസ്സപ്പെട്ടു

കൊച്ചി

സ്വകാര്യ ബസ് ബ്രേക്ക് ഡൗണായി നടുറോഡില്‍ കുടുങ്ങി. എറണാകുളം നോര്‍ത്ത് പാലത്തില്‍ തിങ്കള്‍ രാവിലെയായിരുന്നു സംഭവം. തുടര്‍ന്ന് നഗരത്തില്‍ ഏറെനേരം ഗതാഗതം തടസ്സപ്പെട്ടു.

നോര്‍ത്ത് പാലത്തിലേക്ക് എത്തിയതോടെ ബസ് ബ്രേക്ക് ഡൗണാകുകയായിരുന്നു. നോര്‍ത്ത് പൊലീസ് എത്തി ബസ് റോഡില്‍നിന്ന് മാറ്റി. ബസ് പിന്നിലേക്ക് നീക്കുന്നതിനിടെ തലനാരിഴയ്ക്കാണ് കെഎസ്ആര്‍ടിസി ബസില്‍ ഇടിക്കാതിരുന്നത്. നോര്‍ത്ത് പൊലീസ് കേസെടുത്തു.