നേട്ടങ്ങളുടെ
 നെറുകയിൽ പൈങ്ങോട്ടൂർ

വികസന, ക്ഷേമ രംഗങ്ങളിൽ മുന്നേറ്റം കുറിച്ച അഞ്ചുവർഷമാണ്‌ കാർഷികമേഖലയായ പൈങ്ങോട്ടൂരിൽ പൂർത്തിയാകുന്നത്‌. കുടിവെള്ളപദ്ധതികൾമുതൽ ഗതാഗതസംവിധാനങ്ങളുടെ നിർമാണവും നവീകരണവുംമുതൽ ചികിത്സാലയങ്ങൾക്കും വിദ്യാലയങ്ങൾക്കും പുതിയ മന്ദിരങ്ങൾ നിർമിച്ചതുവരെ നേട്ടങ്ങൾ എൽഡിഎഫ്‌ ഭരണസമിതി എണ്ണിപ്പറയുന്നു.

പഞ്ചായത്തിലൂടെ കടന്നുപോകുന്ന കക്കടാശേരി -ഞാറക്കാട് റോഡ്‌, പൈങ്ങോട്ടൂർ -മുള്ളരിങ്ങാട് റോഡ്, ഊന്നുകൽ -കലൂർ റോഡ് എന്നിവയുടെ നവീകരണം, ഗ്രാമീണ റോഡ് പുനരുദ്ധാരണ പദ്ധതിയിൽ നാല്‌ റോഡുകളുടെ നവീകരണം എന്നിവ എടുത്തുപറയാവുന്നത്‌.

കടവൂർ വിഎച്ച്എസ്എസിന് പുതിയ മന്ദിരം, പിണ്ടിക്കയം ജലസേചനപദ്ധതി, മൈക്രോ വാട്ടർഷെഡ് പദ്ധതി തുടങ്ങിയ വൻകിട പദ്ധതികളും പൂർത്തിയായി. ​

മറ്റു നേട്ടങ്ങളിൽ ചിലത്‌

 ജൽജീവൻ പദ്ധതിയിൽ 148 കിലോമീറ്റർ കുടിവെള്ള പൈപ്പ്‌

 ലൈഫ് ഭവനപദ്ധതിയിൽ 120 വീടുകൾ പൂർത്തിയാക്കി

 ഭിന്നശേഷിക്കാർക്ക് - ചികിത്സ, ഉപകരണ വിതരണം

 13 അങ്കണവാടികൾക്കും സ്വന്തമായി സ്ഥലവും കെട്ടിടവും

 സ്മർട്ട് അങ്കണവാടി, മാതൃക അങ്കണവാടി, 
ഹരിജൻ ബാലവാടി, സാംസ്കാരിക നിലയങ്ങൾ

 എല്ലാ വാർഡിലും യോഗ ക്ലാസുകൾ, ഓപ്പൺ ജിമ്മുകൾ

 കേരഗ്രാമം പദ്ധതിപ്രകാരം 18,000 തെങ്ങുകൾക്ക് സംരക്ഷണം

​നെൽക്കർഷകർക്കായി -ട്രാക്ടർ, കൊയ്ത്തുമെതിയന്ത്രം, 
ബെയ്‌ലർ, വിത്ത്, വളം

 കന്നുകുട്ടി. പോത്തുകുട്ടി, ആട്ടിൻകുട്ടി വിതരണവും 
പരിപാലനവും​

മികവ് അവാർഡുകൾ

1. പഞ്ചായത്തിന് രണ്ടുപ്രാവശ്യം 
 ആർദ്ര കേരളം പുരസ്കാരം

2. കടവൂർ കുടുംബാരോഗ്യകേന്ദ്രത്തിന് 
 എൻഎബിഎച്ച്, ആയുഷ്, കായകൽപ്പ് 
 അംഗീകാരങ്ങൾ

3. കടവൂർ എൽപി സ്കൂളിന് സംസ്ഥാനത്തെ മികച്ച ഹരിത വിദ്യാലയ അവാർഡ്

4. പൈങ്ങോട്ടൂർ ആയൂർവേദ ആശുപത്രിക്ക് 
 ആയുഷ് അവാർഡ്

5. കൃഷിഭവന്- പച്ചക്കറി ഉൽപ്പാദനത്തിൽ 
 ജില്ലയിൽ ഒന്നാംസ്ഥാനം

6. കുടുംബശ്രീക്ക് ഐഎസ്ഒ സർട്ടിഫിക്കേഷൻ