എസ് പി വെങ്കിടേഷിനെ അനുസ്മരിച്ച് "മാക്ട"

കൊച്ചി: ചലച്ചിത്ര സംഗീതസംവിധായകൻ എസ് പി വെങ്കിടേഷിന്റെ നിര്യാണത്തിൽ മലയാള ചലച്ചിത്ര സാങ്കേതിക പ്രവർത്തകരുടെ സംഘടനയായ "മാക്ട" അനുശോചനം രേഖപ്പെടുത്തി. അവിസ്മ‌രണീയമായ ഒട്ടേറെ മികച്ച ഗാനങ്ങൾ സൃഷ്‌ടിച്ച എസ് പി വെങ്കിടേഷ് മാക്ടയുടെ തുടക്ക കാലം മുതലുള്ള അംഗമാണെന്നും അദ്ദേഹത്തിന്റെ വിയോഗം മലയാള സിനിമയ്ക്കും മാക്ടയ്ക്കും നികത്താനാവാത്ത നഷ്ട‌മാണെന്നും മാക്‌ ഓഫീസിൽ ചേർന്ന യോഗം അനുസ്മരിച്ചു.

ചെയർമാൻ ജോഷി മാത്യു, ജനറൽ സെക്രട്ടറി ശ്രീകുമാർഅരൂക്കുറ്റി, ജോയിന്റ്സെക്രട്ടറി ഉത്പൽ വി.നായനാർ സംവിധായകരായ ജോസ്തോമസ്, സുന്ദർദാസ്, വേണു ബി നായർ, തിരക്കഥാകൃത്ത് ബാബു പള്ളാശേരി തുടങ്ങിയവർ എസ് പി വെങ്കിടേഷുമൊത്തുള്ള അനുഭവങ്ങളും നിമിഷങ്ങളും പങ്കുവെച്ചു. എഡിറ്റർ പി സി മോഹനൻ, പി ആർ ഒ അജയകുമാർ എന്നിവർ ചേർന്ന് ചെന്നൈയിൽ മാക്ടയ്ക്കുവേണ്ടി എസ് പി വെങ്കിടേഷിന്റെ മൃതദേഹത്തിൽ റീത്ത് അർപ്പിച്ചു.