മൂവാറ്റുപുഴ ബസ് സ്റ്റേഷനിലെ ഹൈമാസ്റ്റ് ലൈറ്റ് തെളിക്കണം

മൂവാറ്റുപുഴ
കെഎസ്ആർടിസി മൂവാറ്റുപുഴ ബസ് സ്റ്റേഷനിലെ ഹൈമാസ്റ്റ് ലൈറ്റ് ഒരുവർഷത്തോളമായി തെളിയുന്നില്ല. ദിവസം ആയിരക്കണക്കിന് യാത്രക്കാർ എത്തുന്ന തിരക്കുള്ള ബസ് സ്റ്റേഷനിൽ പുതിയ കെട്ടിടത്തിന്റെ നിർമാണം പൂർത്തിയായിട്ടുമില്ല. ഡിപ്പോയുടെയും കെഎസ്ആർടിസി പെട്രോൾ പമ്പിന്റെയും സമീപത്താണ് ലൈറ്റ് സ്ഥാപിച്ചിട്ടുള്ളത്. എൽദോ എബ്രഹാം എംഎൽഎ ആയിരിക്കേ ആസ്തിവികസന ഫണ്ട് ഉപയോഗിച്ച് സ്ഥാപിച്ചതാണ് ഹൈമാസ് ലൈറ്റ്. കേടുപാട് നീക്കി ഹൈമാസ്റ്റ് ലൈറ്റ് തെളിക്കുന്നതിന് മാത്യു കുഴൽനാടൻ എംഎൽഎ, മൂവാറ്റുപുഴ നഗരസഭ ഉൾപ്പെടെ ശ്രദ്ധിക്കുന്നില്ലെന്ന് നാളുകളായി ആക്ഷേപമുണ്ട്.









0 comments