"ദശദളങ്ങൾ' പ്രദർശനം തുടങ്ങി

പറവൂർ

നൂതനവും വൈവിധ്യവുമാര്‍ന്ന പ്രമേയങ്ങളുമായി 10 ചിത്രകാരന്മാരുടെ ചുവർച്ചിത്രപ്രദർശനം "ദശദളങ്ങൾ'കുറ്റിച്ചിറപ്പാലത്തിന് സമീപത്തുള്ള ആർട്ട് ആൻഡ് മൈൻഡ് ഇന്റർനാഷണൽ മ്യൂറൽ പെയിന്റിങ് സ്‌റ്റഡി സെന്ററിൽ തുടങ്ങി.

കേരള കലാമണ്ഡലം മുൻ വൈസ് ചാൻസലർ ഡോ. കെ ജി പൗലോസ് ഉദ്ഘാടനം ചെയ്തു. എൻ എം പിയേഴ്‌സൺ അധ്യക്ഷനായി. ഡോ. സാജു തുരുത്തിലിന്റെ ശിക്ഷണത്തിൽ ശാസ്ത്രീയമായി ചുവർച്ചിത്രകല അഭ്യസിച്ച എൻ അജിത്കുമാർ, ബീന വിനയൻ, ധന്യ രവീന്ദ്രൻ, ജിസ പ്രമോദ്, കെ എസ് ജിത, ജ്യോതി മേനോൻ, മാധവ് എസ് തുരുത്തിൽ, ഇന്ദു മനോജ്കുമാർ, സോന രവിദാസ്, ഷീന ബിനിൽരാജ് ചന്ദ്രശേരിൽ എന്നിവരുടെ ചിത്രങ്ങളാണ് പ്രദര്‍ശനത്തിലുള്ളത്. വ്യാഴംവരെ ദിവസവും രാവിലെ 10 മുതൽ അഞ്ചുവരെ പ്രദർശനം ഉണ്ടാകും.

ഗുരുവായൂർ ദേവസ്വം ബോർഡ് ചെയർമാൻ ഡോ. വി കെ വിജയൻ, മെമ്പർ കെ പി വിശ്വനാഥൻ എന്നിവർ മുഖ്യാതിഥികളായി. പാറമേക്കാവ് ദേവസ്വം സെക്രട്ടറി ജി രാജേഷ്, വി സി എൻ ബാബു, ഡോ. സാജു തുരുത്തിൽ, രാജീവ് അറക്കൽ, സോന രവിദാസ് എന്നിവർ സംസാരിച്ചു.