സുതാര്യ, ജനസ‍ൗഹൃദ ഭരണം 
ഉറപ്പുനൽകി പറവൂരിൽ എൽഡിഎഫ്‌

പറവൂർ

അഴിമതിരഹിതവും സുതാര്യവും ജനസൗഹൃദവുമായ ഭരണം ഉറപ്പുനൽകി പറവൂർ നഗരസഭയിലെ എൽഡിഎഫ് പ്രകടനപത്രിക പുറത്തിറക്കി. ‘മാറ്റത്തിനായി ഒരുമിക്കാം എൽഡിഎഫിനോടൊപ്പം' എന്ന മുദ്രാവാക്യത്തോടെയുള്ള പ്രകടനപത്രിക സിപിഐ എം കേന്ദ്രകമ്മിറ്റി അംഗം പി രാജീവ് പ്രകാശിപ്പിച്ചു. മുനിസിപ്പൽ തെരഞ്ഞെടുപ്പ് കമ്മിറ്റി പ്രസിഡന്റ്‌ എം ടി സുനിൽകുമാർ അധ്യക്ഷനായി.

വികസനോന്മുഖവും നഗരത്തിന്റെ ആധുനികവൽക്കരണത്തിന് അനുയോജ്യവുമായ 59 കാര്യങ്ങൾ പ്രകടനപത്രികയിൽ ഉൾക്കൊള്ളിച്ചിട്ടുണ്ട്. 30 വാർഡുകളിലേയും ജനങ്ങളിൽനിന്ന് ഇതിനായി അഭിപ്രായങ്ങൾ തേടിയിരുന്നു. സിപിഐ എം ഏരിയ സെക്രട്ടറി ടി വി നിധിൻ, തെരഞ്ഞെടുപ്പ് കമ്മിറ്റി സെക്രട്ടറി കെ എ വിദ്യാനന്ദൻ, എം യു അജി, എസ് ശ്രീകുമാരി, എൻ ഐ പൗലോസ്, എം ആർ റീന, പി പി അജയകുമാർ, സി പി ജയൻ എന്നിവർ സംസാരിച്ചു.