ഗാന്ധി–ഗുരു ദൃശ്യാവിഷ്കാരം 
ശ്രദ്ധേയമായി

പെരുമ്പാവൂർ

വളയൻചിറങ്ങര വി എൻ കേശവപിള്ള സ്മാരക വായനശാലയുടെ വാർഷികാഘോഷങ്ങളുടെ ഭാഗമായി ഗ്രാമോത്സവ് 2025ൽ അവതരിപ്പിച്ച ഗാന്ധി–-നാരായണ ഗുരു കൂടിക്കാഴ്ചയുടെ ദൃശ്യാവിഷ്കാരം ശ്രദ്ധേയമായി. 1925ൽ വർക്കല ശിവഗിരി ആശ്രമത്തിൽ നടന്ന ചരിത്രസന്ദർഭത്തെയാണ് വായനശാലയിലെ വയോജനവിഭാഗമായ നന്മഗൃഹം, -ഗുരുസംഗമത്തില്‍ ആവിഷ്കരിച്ചത്.

ഗാന്ധിയായി ജോസ് ആ​ന്റണിയും നാരായണ ഗുരുവായി ബിനേഷ് ബേബിയും വേഷമിട്ടു. വയോജനവേദിയിലെ 25 പ്രവർത്തകർ ആശ്രമത്തിലെ അന്തേവാസികളായും ഗാന്ധിക്കൊപ്പമെത്തിയ അനുയായികളായും വേഷമിട്ടു. ചരിത്രരേഖകളെ അടിസ്ഥാനമാക്കി എസ് ശ്രീകുമാർ തയ്യാറാക്കിയ നാടകാവിഷ്കാരത്തിന് എൽദോസ് യോഹന്നാന്‍ രംഗഭാഷയൊരുക്കി. ദലീമ എംഎൽഎ ഉദ്ഘാടനം ചെയ്തു. പ്രസിഡ​ന്റ് എം എം മോഹനൻ അധ്യക്ഷനായി. രായമംഗലം പഞ്ചായത്ത് പ്രസിഡ​ന്റ് എൻ പി അജയകുമാർ, കെ കോമളവല്ലി, പി രാജൻ, ജി ആനന്ദകുമാർ എന്നിവർ സംസാരിച്ചു.