വീര്യം ചോരാതെ കുസാറ്റ് സമരം

കളമശേരി

നേതാക്കളുടെ സസ്‌പെൻഷനെതിരെ കൊച്ചിൻ യൂണിവേഴ്സിറ്റി എംപ്ലോയീസ് അസോസിയേഷൻ നടത്തുന്ന അനിശ്ചിതകാലസമരം 35 ദിവസം പിന്നിട്ടു. 35–-ാം ദിവസത്തെ സമരം സർവകലാശാല ജീവനക്കാരുടെ കോൺഫെഡറേഷൻ പ്രസിഡന്റ്‌ ഡോ. പി കെ ബിജു ഉദ്ഘാടനം ചെയ്തു.

എ ജെ മെറിമോൾ അധ്യക്ഷയായി. ജെ ആർ സിദ്ധാർഥ്, ബിനീഷ് ഗോപാൽ എന്നിവർ റിലേ ഉപവാസസമരത്തിൽ പങ്കെടുത്തു. ​ കോൺഫെഡറേഷൻ വൈസ് പ്രസിഡന്റ്‌ ടി സബീഷ്, കാർഷിക സർവകലാശാല അസോസിയേഷൻ ജനറൽ സെക്രട്ടറി കെ ആർ പ്രദീഷ്, പി വി അനുഷ, അസിം റഷീദ്, ഡോ. അരുൺ ബാലകൃഷ്ണൻ, ടി പി ജിതിൻ, സി എസ് സോണിയ എന്നിവർ സംസാരിച്ചു.