ഹരിതവിദ്യാലയം 4.0 റിയാലിറ്റിഷോ

ജില്ലയിൽനിന്ന് 6 സ്കൂൾ

Deshabhimani - ദേശാഭിമാനി ദിനപ്പത്രം
വെബ് ഡെസ്ക്

Published on Nov 29, 2025, 02:30 AM | 1 min read

കാസർകോട്‌

പൊതുവിദ്യാഭ്യാസ മേഖലയിലെ മികവുകൾ രാജ്യത്തിന് മുന്നിൽ അവതരിപ്പിക്കുന്ന കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷൻ (കൈറ്റ്) സംഘടിപ്പിക്കുന്ന 'ഹരിതവിദ്യാലയം' വിദ്യാഭ്യാസ റിയാലിറ്റി ഷോയുടെ നാലാം എഡിഷന്റെ പ്രാഥമിക പട്ടികയില്‍ സംസ്ഥാന തലത്തിൽ ഇടംപിടിച്ച 85 സ്‌കൂളിൽ ജില്ലയിൽനിന്ന് ആറ്‌ സ്‌കൂളുകൾ. ജിഎച്ച്‌എസ്‌ തച്ചങ്ങാട്‌, ജിഎച്ച്‌എസ്‌എസ്‌ ചായ്യോത്ത്‌, പിടിഎംഎ യുപിഎസ്‌ ബദിര, ജിയുപിഎസ് ചെമ്മനാട് വെസ്‌റ്റ്, ജിയുപിഎസ് പുല്ലൂർ, ജിഎൽപിഎസ് നീലേശ്വരം എന്നീ സ്‌കൂളുകളാണ്‌ ജില്ലയിൽനിന്നും തെരഞ്ഞെടുക്കപ്പെട്ടത്‌. സ്കൂളുകൾ നടത്തുന്ന ക്രിയാത്മകവും മാതൃകാപരവുമായ പ്രവർത്തനങ്ങളെ അംഗീകരിക്കുകയും അത് മറ്റു വിദ്യാലയങ്ങൾക്ക് കൂടി പങ്കുവെച്ച് പൊതുവിദ്യാഭ്യാസത്തിന്റെ നിലവാരം ഉയർത്തുകയുമാണ് റിയാലിറ്റിഷോയുടെ പ്രധാന ലക്ഷ്യം. പരിപാടിയുടെ ഫ്ലോർ ഷൂട്ട് തിരുവനന്തപുരത്തുള്ള കൈറ്റ് സ്റ്റുഡിയോയില്‍ ഡിസംബര്‍ 26ന്‌ തുടങ്ങും. സംപ്രേഷണം കൈറ്റ് വിക്ടേഴ്സിൽ 2026 ജനുവരി ആദ്യം മുതല്‍ ആരംഭിക്കും. അവസാന റൗണ്ടിലേക്ക് തിരഞ്ഞെടുക്കപ്പെടുന്ന പത്ത് സ്കൂളുകൾക്കും വിജയികൾക്കും ഫെബ്രുവരിയിൽ നടക്കുന്ന ഗ്രാന്റ് ഫിനാലെയിൽ പ്രത്യേക പുരസ്‌കാരം നൽകും. ഓൺലൈൻ യോഗത്തിൽ തെരഞ്ഞെടുക്കപ്പെട്ട സ്‌കൂൾ വിദ്യാർഥികളുമായി കൈറ്റ് സിഇഒ കെ അന്‍വ‌ർസാദത്ത് ആശയവിനിമയം നടത്തി. ജില്ലാ കോ ഓർഡിനേറ്റർ റോജി ജോസഫ് പങ്കെടുത്തു.



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home