സപ്ലൈകോ വിറ്റുവരവ്‌ 
1.87 കോടി 

പത്തനംതിട്ട
ജില്ലയിൽ ഓണക്കാല ഫെയറുകളിലൂടെ 1.87 കോടി രൂപയുടെ വിറ്റുവരവ്‌ നേടി സപ്ലൈകോ. അന്തിമകണക്ക്‌ പ്രകാരം 1,08,74,464.77 രൂപയുടെ വിറ്റുവരവാണ്‌ സപ്ലൈകോ നേടിയത്‌.
ജില്ലയിലാകെ ഏഴ്‌ ഓണം ഫെയറുകളാണ്‌ സംഘടിപ്പിച്ചത്‌. നിയോജകമണ്ഡലതലത്തിൽ 94.51 ലക്ഷത്തിന്റെയും ജില്ലാ ഫെയറിൽ 14.23 ലക്ഷം രൂപയുടെയും ഉൽപ്പന്നങ്ങൾ സപ്ലൈകോ വിറ്റു. ആഗസ്ത്‌ ഒന്നുമുതൽ സെപ്തംബർ നാലുവരെയുള്ള കാലയളവിലാണ്‌ ഓണച്ചന്തകൾ സംഘടിപ്പിച്ചത്‌. സംസ്ഥാനത്താകെ 386.02 കോടി രൂപയുടെ വിൽപ്പനയാണ് സപ്ലൈകോ ഔട്ട്‌ലെറ്റുകൾ വഴി നടന്നത്. റെക്കോഡ്‌ പ്രതിദിന വിൽപ്പനയായ 24.99 കോടി സ്വന്തമാക്കാനും ഇത്തവണ കഴിഞ്ഞു.
സബ്സിഡി നിരക്കിൽ 13 ഇനം അവശ്യസാധനങ്ങൾ കിറ്റായും വിതരണം ചെയ്തു. ഓണക്കാലത്ത് കോടിക്കണക്കിന്‌ രൂപയുടെ ആനുകൂല്യമാണ്‌ റേഷൻ കാർഡ് ഉടമകൾക്ക് ലഭിച്ചത്‌. ഓണവിപണിയിൽ വിലവർധന പിടിച്ചുനിർത്താൻ സുപ്രധാന പങ്കുവഹിച്ച കൺസ്യൂമർഫെഡിന്‌ ജില്ലയിലും വമ്പൻ നേട്ടമായിരുന്നു. ഓണക്കാലത്ത്‌ കൺസ്യൂമർഫെഡ്‌ ത്രിവേണികളിലൂടെയും സഹകരണ സംഘങ്ങളിലൂടെയും നടത്തിയത്‌ 6,52,31,786.80 രൂപയുടെ കച്ചവടമായിരുന്നു.