സ്വാതന്ത്ര്യദിനാഘോഷം പരേഡ് റിഹേഴ്സല്‍ നടത്തി

​പത്തനംതിട്ട
കാതോലിക്കേറ്റ് കോളേജ് മൈതാനത്ത് നടത്തുന്ന 79–-ാം സ്വാതന്ത്ര്യദിനാഘോഷത്തിന്റെ പരേഡ് റിഹേഴ്സല്‍ നടത്തി. പത്തനംതിട്ട നര്‍കോട്ടിക് സെല്‍ ഡിവൈഎസ്പി ബി അനിലിന്റെ നേതൃത്വത്തിലാണ് റിഹേഴ്സല്‍. 22 പ്ലറ്റൂണുകള്‍ സ്വാതന്ത്ര്യദിന പരേഡില്‍ പങ്കെടുക്കും.
പൊലീസ് മൂന്ന്, ഫോറസ്റ്റ് ഒന്ന്, ഫയര്‍ഫോഴ്സ് രണ്ട്, എക്സൈസ് ഒന്ന്, എസ്പിസി ആറ്, സ്‌കൗട്ട് ആന്‍ഡ് ഗൈഡ്സ് നാല്, ജൂനിയര്‍ റെഡ് ക്രോസ് മൂന്ന്, ഡിസ്പ്ലേ ബാന്‍ഡ് സെറ്റ് രണ്ട് എന്നിങ്ങനെയാണ് പ്ലറ്റൂണുകളുടെ എണ്ണം. ബുധൻ രാവിലെ എട്ടുമുതല്‍ 9.30 വരെ ഡ്രസ് റിഹേഴ്സല്‍ നടക്കും.
കലാ സാംസ്‌കാരിക പരിപാടികള്‍ക്ക് വിദ്യാഭ്യാസ ഉപഡയറക്ടര്‍ ബി ആര്‍ അനില നേതൃത്വം നല്‍കും. ദേശഭക്തിഗാനം, സുംബാ ഡാന്‍സ്, വഞ്ചിപ്പാട്ട്, നാഷണല്‍ ഇന്റഗ്രേഷന്‍ ഡാന്‍സ് എന്നിവ അവതരിപ്പിക്കും. സ്വാതന്ത്ര്യദിനത്തില്‍ ആരോഗ്യമന്ത്രി വീണാ ജോര്‍ജ് പരേഡില്‍ അഭിവാദ്യം സ്വീകരിച്ച് സന്ദേശം നല്‍കും. പരേഡ് റിഹേഴ്സലിന് പത്തനംതിട്ട നഗരസഭയും ജില്ലാ പഞ്ചായത്തുമാണ് ലഘുഭക്ഷണം തയ്യാറാക്കിയത്. സ്വാതന്ത്ര്യദിനത്തില്‍ ജില്ലാ സപ്ലൈ ഓഫീസ്, കുടുംബശ്രീ മുഖേനെ ലഘുഭക്ഷണമൊരുക്കും.