ഇന്ധന വിലവർധനയ്‌ക്കെതിരെ പ്രതിഷേധിച്ചു

കൊല്ലം

പെട്രോൾ, ഡീസൽ, പാചകവാതക വിലവർധന പിൻവലിക്കണമെന്ന്‌ ആവശ്യപ്പെട്ട്‌ ജില്ലാ മോട്ടോർ ആൻഡ്‌ ഓട്ടോറിക്ഷാ തൊഴിലാളി യൂണിയൻ (എഐടിയുസി) ജില്ലാ കമ്മിറ്റി ഹെഡ് പോസ്റ്റ് ഓഫീസ് മാർച്ചും ധർണയും നടത്തി. എഐടിയുസി ജില്ലാ സെക്രട്ടറി ജി ബാബു ഉദ്‌ഘാടനംചെയ്തു. യൂണിയൻ പ്രസിഡന്റ് ബി ശങ്കർ അധ്യക്ഷനായി. ജില്ലാ സെക്രട്ടറി എം സുരേന്ദ്രൻ, എഐടിയുസി ജില്ലാ ട്രഷറർ ബി മോഹൻദാസ്, ബി രാജു, ഡി രാമകൃഷ്ണപിള്ള, അയത്തിൽ സോമൻ, അജി വെട്ടിക്കവല, ടി വി ടെറൻസ് തുടങ്ങിയവർ സംസാരിച്ചു.