കെഎസ്ഇബി ജീവനക്കാർ സെമിനാർ നടത്തി

കൊല്ലം

കെഎസ്ഇബി വർക്കേഴ്സ് അസോസിയേഷൻ (സിഐടിയു) നേതൃത്വത്തിൽ തൊഴിൽമേഖലയിൽ മാനേജ്മെന്റിന്റെയും സർക്കാരിന്റെയും അതിക്രമങ്ങൾ എന്ന വിഷയത്തിൽ സെമിനാർ സംഘടിപ്പിച്ചു. സിഐടിയു ഭവനിൽ അഴീക്കോടൻ കോർണറിൽ നടന്ന സെമിനാർ സിഐടിയു ജില്ലാ ട്രഷറർ എ എം ഇക്‌ബാൽ ഉദ്‌ഘാടനംചെയ്തു. കെഎസ്ഇബി കോൺട്രാക്ട് വർക്കേഴ്സ് അസോസിയേഷൻ സംസ്ഥാന ഓർഗനൈസിങ്‌ സെക്രട്ടറി ഗിരിജകുമാരി അധ്യക്ഷയായി. കെഎസ്ഇബി വർക്കേഴ്‌സ് അസോസിയേഷൻ സംസ്ഥാന വൈസ് പ്രസിഡന്റ്‌ അനിൽകുമാർ വിഷയം അവതരിപ്പിച്ചു. സിഐടിയു കൊല്ലം ഏരിയ സെക്രട്ടറി ജി ആനന്ദൻ, അനി ഉമ്മൻ മാത്യു, ജെ ഷാജി, സന്തോഷ് എന്നിവർ സംസാരിച്ചു. കൊല്ലം ഡെപ്യൂട്ടി ചീഫ് എൻജിനിയർ അകാരണമായി സസ്‌പെൻഡ്‌ചെയ്ത അനി ഉമ്മൻ മാത്യു, കിഷോർകുമാർ, ആശാദേവി എന്നിവർക്ക് സ്വീകരണം നൽകി.