സ്കൂൾ വിദ്യാർത്ഥിനിയുടെ മൃതദേഹം ചാക്കിൽ കെട്ടി ഉപേക്ഷിച്ച നിലയിൽ; അധ്യാപകൻ അറസ്റ്റിൽ

കൽക്കത്ത: പശ്ചിമ ബംഗാളിൽ കാണാതായ വിദ്യാർത്ഥിനിയുടെ മൃതദേഹം ചാക്കിൽ കെട്ടി ഉപേക്ഷിച്ച നിലയിൽ. പശ്ചിമ ബംഗ്ലാളിലെ ബിർഭും ജില്ലയിലാണ് സംഭവം. ഓഗസ്റ്റ് 22 നാണ് കുട്ടിയെ കാണാതാകുന്നത്. സ്കൂളിലേക്ക് പോയ പെൺകുട്ടി തിരിച്ചുവരാത്തതിനെ തുടർന്ന് വീട്ടുകാർ പോലീസിനെ സമീപിച്ചു. പോലീസ് വ്യാപകമായി തെരച്ചിൽ നടത്തിയിട്ടും ഫലമുണ്ടായില്ല. കഴിഞ്ഞ ദിവസം രാത്രിയാണ് കാലിദംഗ എന്ന ഗ്രാമത്തിലെ ഒരു ഒഴിഞ്ഞ സ്ഥലത്ത് നിന്നും ചാക്കിലാക്കിയ നിലയിൽ പെൺകുട്ടിയുടെ മൃതദേഹം ലഭിക്കുന്നത്. മൃതദേഹം കഷണങ്ങളാക്കിയ നിലയിലായിരുന്നു.

സ്കൂളിലെ ഒരു അധ്യാപകൻ കുട്ടിയെ മോശമായ നിലയിൽ സ്പർശിച്ചിരുന്നു എന്നപേരിൽ രക്ഷിതാക്കൾ പോലീസിൽ പരാതി നൽകിയിരുന്നു. പോലീസ് അധ്യാപകനെ ചോദ്യം ചെയ്യാനായി കസ്റ്റഡിയിലെടുത്തപ്പോഴാണ് കുട്ടിയെ അയാൾ തട്ടിക്കൊണ്ടുപോയി കൊലപ്പെടുത്തിയതാണ് എന്ന് സമ്മതിച്ചത്. ഇയാളെ അറസ്റ്റ് ചെയ്തിട്ടുണ്ട്. കൂടുതൽ തെളുവുകൾക്കും പരിശോധനയ്ക്കുമായി മൃതദേഹം ഫോറൻസിക് പരിശോധനയ്ക്ക് അയച്ചിട്ടുണ്ട്.