എസ്‌ബിഐ 996 സ്പെഷ്യലിസ്റ്റ് കേഡർ ഓഫീസർ

സ്റ്റേറ്റ് ബാങ്ക് ഓഫ് ഇന്ത്യ (എസ്‌ബിഐ) വിവിധ സ്പെഷ്യലിസ്റ്റ് കേഡർ ഓഫീസർ (എസ്‌സിഒ) തസ്തികകളിലേക്ക് അപേക്ഷ ക്ഷണിച്ചു. റെഗുലർ, ബാക്ക്‌ലോഗ്‌ നിയമനങ്ങളുണ്ട്‌. അഞ്ച്‌ വർഷത്തേക്കാണ്‌ നിയമനം. നാലുവർഷംകൂടി നീട്ടാം. കേരള സർക്കിളിൽ (തിരുവനന്തപുരം) 112 ഒഴിവുണ്ട്‌. തസ്‌തികകൾ: വിപി വെൽത്ത്‌ (എസ്‌ആർഎം) 506, എവിപി വെൽത്ത്‌ (ആർഎം) 206, കസ്‌റ്റമർ റിലേഷൻഷിപ്പ്‌ എക്‌സിക്യൂട്ടീവ്‌ 284. യോഗ്യത: അംഗീകൃത സർവകലാശാലയിൽനിന്നോ സ്ഥാപനത്തിൽ നിന്നോ ബിരുദം. എംബിഎ (ബാങ്കിങ്‌/ഫിനാൻസ്/മാർക്കറ്റിങ്‌)/എൻഐഎസ്‌എം വിഎ, എക്‌സ്‌എക്‌സ്‌ഐഎ (പോർട്ട്‌ഫോളിയോ മാനേജ്‌മെന്റ്‌ സർവീസസ്‌ – പിഎംഎസ്‌), സേർട്ടിഫൈഡ്‌ ഫിനാൻഷ്യൽ പ്ലാനർ (സിഎഫ്‌പി)/ചാർട്ടേഡ്‌ ഫിനാൻഷ്യൽ അനലിസ്‌റ്റ്‌ (സിഎഫ്‌എ) പോലുള്ള സർട്ടിഫിക്കേഷനുകൾ ഉള്ളവർക്ക്‌ മുൻഗണന. പ്രായപരിധി: വിപി വെൽത്ത് (എസ്‌ആർഎം): 26 – 42 വയസ്‌. എവിപി വെൽത്ത് (ആർഎം): 23 – 35 വയസ്‌. കസ്റ്റമർ റിലേഷൻഷിപ്പ് എക്സിക്യൂട്ടീവ്: 20– 35 വയസ്‌. നിയമാനുസൃത ഇളവ്‌ ലഭിക്കും. അപേക്ഷാഫീസ്‌: 750 രൂപ. എസ്‌സി/എസ്ടി/പിഡബ്ല്യുബിഡി വിഭാഗത്തിന്‌ ഫീസില്ല. അപേക്ഷ അടിസ്ഥാനമാക്കിയുള്ള ഷോർട്ട്‌ലിസ്റ്റ്‌, വ്യക്തിഗത/ ടെലിഫോണിക്/ വീഡിയോ അഭിമുഖം, സിടിസി ചർച്ച, മെറിറ്റ് ലിസ്റ്റ് എന്നിവയുടെ അടിസ്ഥാനത്തിലാണ്‌ തെരഞ്ഞെടുപ്പ്‌. https://bank.sbi/web/careers/current-openings വഴി ഡിസംബർ 23 വരെ ഓൺലൈനായി അപേക്ഷിക്കാം. കൂടുതൽ വിവരങ്ങൾക്ക്‌ https://sbi.bank.in കാണുക.