പാക് ക്രിക്കറ്റ് താരം നസീം ഷായുടെ വീടിനുനേരെ വെടിവെപ്പ്

നസീം ഷാ (ഇടത്), ആക്രമണത്തിൽ തകർന്ന കാറിന്റെ ഗ്ലാസ് (വലത്)
ഇസ്ലാമാബാദ്: പാകിസ്ഥാൻ ക്രിക്കറ്റ് ടീമിലെ ഫാസ്റ്റ് ബൗളർ നസീം ഷായുടെ വീടിനുനേരെ ആക്രമണം. ഖൈബർ പക്തുൻഖ്വയിലെ കുടുംബവീടിനുനേരെയാണ് തിങ്കളാഴ്ച അജ്ഞാതർ വെടിവെപ്പ് നടത്തിയത്. ആക്രമണത്തിൽ ആർക്കും പരിക്കില്ല.
ശ്രീലങ്കയ്ക്കെതിരായ ഏകദിന മത്സരത്തിൽ പങ്കെടുക്കുന്നതിനായി പാക് ടീമിനൊപ്പമായിരുന്നു നസീം. ആരാണ് ആക്രമണത്തിന് പിന്നിലെന്നോ, എന്താണ് കാരണമെന്നോ വ്യക്തമല്ല. പൊലീസ് അന്വേഷണം ആരംഭിച്ചിട്ടുണ്ട്.









0 comments