ഗാസയിൽ മരണസംഖ്യ 70,000 കവിഞ്ഞു: ആക്രമണം തുടർന്ന് ഇസ്രയേൽ

ഗാസാ സിറ്റി: ഇസ്രയേൽ ആക്രമണത്തിൽ പലസ്തീനിൽ കൊല്ലപ്പെട്ടവരുടെ എണ്ണം 70,000 കവിഞ്ഞതായി റിപ്പോർട്ട്. യുദ്ധം ആരംഭിച്ച 2023 ഒക്ടോബർ ഏഴ് മുതലുള്ള കണക്കാണിത്. വെടിനിർത്തലിന് ശേഷം ഉണ്ടായ ഇസ്രയേൽ ആക്രമണത്തിൽ മാത്രം 300ലേറെ പേർ കൊല്ലപ്പെട്ടതായാണ് കണക്ക്. ഇസ്രായേൽ വെടിനിർത്തൽ കരാർ ലംഘിച്ച് ആക്രമണങ്ങൾ തുടരുകയാണ്.

ശനിയാഴ്ച രാവിലെ അൽ-ഫറാബി സ്കൂളിന് സമീപം നടത്തിയ ഡ്രോൺ ആക്രമണത്തിൽ ജുമ, ഫാദി തമർ അബു അസി എന്നീ രണ്ട് സഹോദരന്മാർ കൊല്ലപ്പെട്ടതായി റിപ്പോർട്ടുകളുണ്ട്. തെക്കൻ ഗാസയിലെ റാഫ നഗരത്തിന്റെ കിഴക്കൻ പ്രദേശങ്ങളിലും ആക്രമണങ്ങൾ ഉണ്ടായി. വെടിനിർത്തൽ നിലവിൽ വന്നതിനുശേഷവും 535 ഇസ്രായേലി ലംഘനങ്ങളാണ് ഇതുവരെ രേഖപ്പെടുത്തിയിട്ടുള്ളത്.