കാനഡയിലെ സൈനിക കേന്ദ്രത്തിൽ തീപിടിത്തം; നാല് പേർ മരിച്ചു

ഒട്ടാവ: കാനഡയിലെ ആൽബർട്ടയിൽ സൈനിക കേന്ദ്രത്തിലുണ്ടായ തീപിടിത്തത്തിൽ നാല് ഉദ്യോ​ഗസ്ഥർ മരിച്ചു. 19 പേരുടെ നില ​ഗുരുതരമാണ്. നാൽപതോളം പേർക്ക് പരിക്കേറ്റതായാണ് റിപ്പോർട്ട്.

ശനിയാഴ്ച പ്രാദേശികസമയം വൈകുന്നേരം നാല് മണിയോടെയായിരുന്നു അപകടം. പുൽമേട്ടിലുള്ള സൈനിക കേന്ദ്രത്തിന് സമീപം തീ പടരുകയായിരുന്നു. ശക്തമായ കാറ്റിനെതുടർന്ന് അതിവേ​ഗത്തിൽ തീ ആളിക്കത്തി. ഇതോടെ സൈനികർക്ക് രക്ഷപെടാനായില്ലെന്നാണ് വിവരം.

കൊല്ലപ്പെട്ട നാലുപേരും എഡ്മണ്ടൺ ആസ്ഥാനമായുള്ള പ്രിൻസസ് പട്രീഷ്യസ് കനേഡിയൻ ലൈറ്റ് ഇൻഫൻട്രിയുടെ മൂന്നാം ബറ്റാലിയനിൽ സേവനമനുഷ്ഠിച്ചു വരികയായിരുന്നു. അപകടത്തിന് കാരണമായി തീവ്രവാദബന്ധമൊന്നും കണ്ടെത്തിയിട്ടില്ല.