ചെങ്കടലില്‍ വീണ്ടും ചരക്കുകപ്പലുകൾക്ക് നേരെ ആക്രമണം

‍കയ്റോ : ചെങ്കടലിലെ യെമൻ തീരത്ത് വീണ്ടും ചരക്കുകപ്പലുകൾക്ക് നേരെ ആക്രമണം. അജ്ഞാതരായ സായുധ സംഘം ഞായറാഴ്ച കപ്പൽ ആക്രമിക്കുകയായിരുന്നുവെന്ന് ബ്രിട്ടീഷ് നാവിക സേന അവകാശപ്പെട്ടതായി ടൈംസ് ഓഫ് ഇന്ത്യ റിപ്പോർട്ട് ചെയ്തു.

ദ യുണൈറ്റഡ് കിംങ്ഡം മാരിടൈം ട്രേഡ് ഓപ്പറേഷൻസ് (യുകെഎംടിഒ) ആണ് ആക്രമണവിവരം പുറത്തുവിട്ടത്. യെമനിലെ ഹൂതി നിയന്ത്രണത്തിന് കീഴിലുള്ള തുറമുഖ ​ന​ഗരമായ ഹൊദയ്ദയിൽ നിന്ന് ഏകദേശം 30 നോട്ടിക്കൽ മൈൽ അകലെയാണ് ആക്രമണം നടന്നത്. സംഭവത്തിൽ അന്വേഷണം പുരോ​ഗമിക്കുകയാണെന്ന് യുകെഎംടിഒ അറിയിച്ചു. കപ്പലുകൾക്ക് നേരെയുള്ള ആക്രമണം പുനരാരംഭിക്കുമെന്ന് ഇറാൻ പിന്തുണയുള്ള ഹൂതി വിമതർ മുന്നറിയിപ്പ് നൽകിയിരുന്നു.