മക്ഡൊണാൾഡ്സ് ബർഗറിൽ ഇ- കോളൈ ബാക്ടീരിയ; ഒരാൾ മരിച്ചു, നിരവധി പേർ ആശുപത്രിയിൽ

ന്യൂയോർക്ക് > അമേരിക്കയിൽ മക്ഡൊണാൾഡ്സിന്റെ ഔട്ട്ലെറ്റുകളിൽ ഭക്ഷ്യവിഷബാധ. മക്ഡൊണാൾഡ്സിന്റെ ഔട്ട്ലെറ്റുകളിൽ നിന്ന് ക്വാർട്ടർ പൗണ്ടർ ബർ​ഗർ കഴിച്ചവർക്കാണ് ഭക്ഷ്യവിഷബാധയേറ്റത്. ബർ​ഗറിലേ‍ ഇ - കോളൈ ബാക്ടീരിയയുടെ സാന്നിധ്യമുണ്ടായിരുന്നതാണ് ഭക്ഷ്യവിഷബാധയ്ക്ക് കാരണം.

പത്തോളം സംസ്ഥാനങ്ങളിലാണ് ഭക്ഷ്യവിഷബാധയുണ്ടായത്. വിഷബാധയെത്തുടർന്ന് ഒരാൾ മരിച്ചു. പത്തോളം പേർ നിലവിൽ ചികിത്സയിലാണ്. ഏകദേശം അമ്പതോളം പേർക്ക് വിഷബാധയേറ്റതായാണ് റിപ്പോർട്ടുകൾ. കൊളറാഡോ, നെബ്രാസ്ക എന്നിവിടങ്ങളിൽ സ്ഥിതി ഗുരുതരമാണ്. ഇ​-കോളി ബാക്ടീരിയയുടെ സാന്നിധ്യം മക്ഡോണാൾഡ്സിന്റെ ഹാംബർഗറിൽ സ്ഥിരീകരിച്ചുവെന്നാണ് സൂചന.