Deshabhimani

ജോലി സമ്മര്‍ദ്ദം; ഹരിദ്വാറില്‍ ഇന്റലിജൻസ് ബ്യൂറോ ഉദ്യോ​ഗസ്ഥന് നേരെ വെടിയുതിർത്ത് ഡ്രൈവർ

haridwar
വെബ് ഡെസ്ക്

Published on Nov 21, 2026, 06:06 PM | 1 min read

ഡെറാഡൂൺ : ഉത്തരാഖണ്ഡിൽ ഇന്റലിജൻസ് ബ്യൂറോ ഉദ്യോ​ഗസ്ഥന് നേരെ വെടിയുതിർത്ത് ഡ്രൈവർ. ഹരിദ്വാറിലെ ഐബി ഉദ്യോ​ഗസ്ഥനായ സിപി നൗട്ട്യാലാണ് ആക്രമണത്തിനിരയായത്. സംഭവത്തിൽ വിനോദ് നേ​ഗിയെന്ന ഡ്രൈവറെ പൊലീസ് അറസ്റ്റ് ചെയ്തു.


വാഹനത്തിനുള്ളിൽ ഇരിക്കുമ്പോഴാണ് നൗട്ട്യാലിന് നേരെ പ്രതി വെടിവെയ്പ് നടത്തിയത്. ഉദ്യോ​ഗസ്ഥന്റെ തലയ്ക്കരികിലൂടെ ബുള്ളറ്റ് കടന്നുപോയെന്നും തലനാരിഴയ്ക്ക് രക്ഷപ്പെടുകയായിരുന്നുവെന്നുമാണ് റിപ്പോർട്ട്.
പരിക്കേറ്റ ഉദ്യോ​ഗസ്ഥനെ ആശുപത്രിയിൽ പ്രവേശിപ്പിച്ചു. ജോലി സമ്മർദ്ദമാണ് വെടിവെയ്പ്പിന് പിന്നിലെ കാരണമെന്നാണ് പ്രാഥമിക നി​ഗമനം. വിനോദ് നേ​ഗിയ്ക്കെതിരെ പൊലീസ് കേസെടുത്തു. അനധികൃത തോക്ക് ഉപയോ​ഗിച്ചാണ് പ്രതി വെടിയുതിർത്തതെന്ന് പൊലീസ് പറഞ്ഞു.



deshabhimani section

Related News

View More
0 comments
Sort by

Deshabhimani
Home