പ്രശാന്ത് കിഷോറിന്റെ ഡിജിറ്റൽ മീഡിയ മാനേജറുടെ മൃതദേഹം റെയിൽ‌വേ ട്രാക്കിൽ

ന്യൂഡൽഹി: ജൻ സൂരജ് പാർട്ടി നേതാവ് പ്രശാന്ത് കിഷോറിന്റെ ഡിജിറ്റൽ കമ്യൂണിക്കേഷൻ‌ മാനേജർ റെയിൽവേ ട്രാക്കിൽ മരിച്ച നിലയിൽ. പാറ്റ്നയിലേക്കുള്ള യാത്രയിൽ ഇയാളെ കാണാതാവുകയായിരുന്നു. തുടർ‌ന്ന് 24 മണിക്കൂറിന് ശേഷം മൃതദേഹം കണ്ടെത്തുകയായിരുന്നു. റാഞ്ചിയിൽ റെയിൽവേ ട്രാക്കി‌ലാണ് മരിച്ച നിലയിൽ‌ കണ്ടെത്തിയത്.

പാറ്റ്ന - റാഞ്ചി ജനശതാബ്ദി എക്സ്പ്രസിൽ യാത്ര ചെയ്യവെയാണ് മുപ്പത് കാരനായ ദേവ് പാലിക് ​ഗുപ്തയെ കാണാതായത്. ദേവ് പാലിക്ക് ​ഗുപ്ത രണ്ട് സഹപ്രവർത്തകരോട് കൂടെ യാത്ര ചെയ്യവെയാണ് കാണാതാവുകയും പിന്നീട് മരിച്ചതായി കണ്ടെത്തുകയുമുണ്ടായത്

റെയിൽവേ ട്രാക്കിനടുത്തെ പുൽചെടികൾക്കിടയിൽ നിന്നുമാണ് മൃതദേഹം കണ്ടെടുത്തത്. ജർവാദീഹ് പ്രദേശത്തായിരുന്നു മൃതദേഹം കണ്ടെത്തിയത്. റാഞ്ചിയിൽ അങ്കാര പൊലീസ് സ്റ്റേഷൻ പരിധിയിൽ നിന്നുമാണ് മൃതദേഹം കണ്ടെടിത്തത്. തിങ്കളാഴ്ച രാത്രി 9 മണിക്ക് എഫ്ഐ ഐ ആർ‌ രജിസ്റ്റർ ചെയ്തതായി പാർടി ദേശീയ വക്താവ് കുമാർ സൗരഭ് പറഞ്ഞു.