ബംഗാളിൽ ഇക്കൊല്ലം കൊഴിഞ്ഞത്‌ 10 ലക്ഷം വിദ്യാർഥികൾ

കൊൽക്കത്ത: മമത ഭരണത്തിൽ പശ്ചിമബംഗാളിൽ സ്കൂളുകളിൽ കുട്ടികളുടെ വൻ കൊഴിഞ്ഞുപോക്ക്. 2025-–26 അധ്യയന വർഷത്തിൽ മാത്രം സംസ്ഥാനത്ത് 10 ലക്ഷം വിദ്യാർഥികളാണ് പഠനമുപേക്ഷിച്ചത്‌. 9, 12 ക്ലാസ്സുകളിലാണ് കൊഴിഞ്ഞുപോക്ക് കൂടുതൽ. ഇതിലേറെയും പെൺകുട്ടികളാണ്‌. രക്ഷിതാക്കളുടെ സാന്പത്തികസ്ഥിതിയും മറ്റ് ജീവിത സാഹര്യങ്ങളുമാണ് വിദ്യാർഥികളെ പഠനത്തിൽനിന്ന്‌ അകറ്റുന്നത്‌. പഠനം പൂർത്തിയാക്കിയാലും ഉന്നത വിദ്യാഭാസത്തിനും ജോലിക്കുമുള്ള സാധ്യത കുറവായതിനാൽ നല്ലൊരു വിഭാഗം ചെറുപ്രായത്തിൽ തന്നെ ജീവിതമാർഗം തേടി അന്യസംസ്ഥാനങ്ങളിലേക്ക് കുടിയേറുകയാണ്‌.

പ്രൈമറി സ്കൂൾ തലങ്ങളിലും കൊഴിഞ്ഞുപോക്ക് വൻ തോതിലാണ്‌. ഇതുമൂലം നിരവധി സ്കൂളുകളാണ്‌ അടച്ചുപൂട്ടുന്നത്‌. ആദിവാസി മേഖലയായ ബിർഭും ജില്ലയിൽ മാത്രം 87 സ്കൂളുകളാണ് കഴിഞ്ഞ മൂന്നു വർഷത്തിനുള്ളിൽ പൂട്ടിയത്. അധ്യാപക നിയമനത്തിലെ വൻ അഴിമതി ഉൾപ്പടെ സംസ്ഥാനത്ത് വിദ്യാഭ്യാസ മേഖലയിലോട്ടാക വലിയ അരാജകത്വമാണ് നിലനിൽക്കുന്നത്.