കനത്ത മഴയും വൻ ഉരുൾപൊട്ടലും; ഡാർജിലിങ്ങിൽ വ്യാപക നാശം; 17 പേർ മരിച്ചു

കൊൽക്കത്ത: പശ്ചിമ ബംഗാളിലെ ഡാർജിലിങ്ങ്‌ ജില്ലയിൽ കനത്ത മഴയിലും ഉരുൾപൊട്ടലിലും വ്യാപക നാശം. ശനിയാഴ്ച നിർത്താതെ പെയ്ത കനത്ത മഴയെ തുടർന്നുണ്ടായ വൻ ഉരുൾപൊട്ടലുകളിൽ 17 പേർ മരിച്ചു. ഡാർജിലിങ്ങിലെ പ്രധാന വിനോദസഞ്ചാര കേന്ദ്രങ്ങൾ അടച്ചു.

ദുർഗ്ഗാ പൂജയ്ക്ക് ശേഷം കൊൽക്കത്തയിൽ നിന്ന് നിരവധി വിനോദസഞ്ചാരികൾ ഡാർജിലിങ്ങിലേക്ക്‌ യാത്ര ചെയ്തിരുന്നു. റോഡുകൾക്ക് പലതും തകർന്നതിനാൽ നിരവധി ഗ്രാമങ്ങൾ ഒറ്റപ്പെട്ട അവസ്ഥയിലായതിനാൽ ഇവർക്ക് അപകടം സംഭവിച്ചിരിക്കാനുള്ള സാധ്യതയുണ്ടെന്നാണ് വിവരം. തിരച്ചിൽ തുടരുന്നതിനാൽ മരണസംഖ്യ ഇനിയും ഉയരുമെന്ന് അധികൃതർ പറഞ്ഞു. നിരവധി വീടുകൾ തകർന്നു.