ആളിപ്പടർന്ന് പ്രതിഷേധം; പിണറായി വിജയൻ ഉൾപ്പടെയുള്ള സിപിഐ എം നേതാക്കൾ കസ്റ്റഡിയില്‍

ന്യൂഡൽഹി: ജന്തർ മന്തർ സമരത്തിന് മുന്നോടിയായി ഇടതുപക്ഷ നേതാക്കളെ കസ്റ്റഡിയിലെ‌ടുത്ത് ഡൽഹി പൊലീസ്. പ്രതിപക്ഷ നേതാവ് പിണറായി വിജയൻ, ജോൺ ബ്രിട്ടാസ് എംപി, കെ എൻ ബാല​ഗോപാൽ എന്നിവരെ പൊലീസ് കസ്റ്റഡിയിലെടുത്തു. കേരളാ ഹൗസിൽ നിന്നും ജന്തർമന്തറിയിലേയ്ക്ക് പുറപ്പെട്ട ഉടനെ സിപിഐ എം ജനറൽ സെക്രട്ടറി എം എ ബേബി, എം വി ഗോവിന്ദൻ, കെ കെ ശൈലജ, പി കെ ശ്രീമതി, ശിവദാസൻ എംപി, പി രാജീവ്, പി കെ ശ്രീമതി എന്നിവരെ പൊലീസ് കസ്റ്റഡിയിലെടുത്തിരുന്നു.

പി കെ ശ്രീമതി, എം എ ബേബി എന്നിവരെ വലിച്ചിഴച്ചാണ് പൊലീസ് കസ്റ്റഡിയിലെടുത്തത്. പിടിവലിയിൽ താഴെ വീണ പി കെ ശ്രീമതിയെ വലിച്ചെടുത്താണ് പൊലീസ് വാഹനത്തിൽ കയറ്റിയത്. സമരത്തിൽ പങ്കെടുക്കാൻ അനുവദിക്കില്ല എന്ന ധാർഷ്ട്യത്തോടെയാണ് സിപിഐ എം നേതാക്കളെ വലിച്ചിഴച്ച് കസ്റ്റഡിയിലെടുക്കുന്നത്.