തൃശൂരിൽ റെയിൽവെ ട്രാക്കിലേക്ക് ചാടി യുവാവ് ജീവനൊടുക്കി; ട്രെയിൻ ​ഗതാ​ഗതം തടസ്സപ്പെട്ടു

തൃശൂർ: തൃശൂർ പൂങ്കുന്നം റെയിൽവെ സ്റ്റേഷനിൽ ട്രാക്കിലേക്ക് ചാടി യുവാവ് ജീവനൊടുക്കി. ബുധൻ വൈകുന്നേരമാണ് സംഭവം. ട്രെയിൻ അടുത്തെത്തിയ ഉടൻ യുവാവ് പൊടുന്നനെ ട്രാക്കിലേക്ക് ചാടുകയായിരുന്നു. തൽക്ഷണം യുവാവ് മരിച്ചതായി ആർപിഎഫ് പറഞ്ഞു. തൃശൂർ വഴിയുള്ള ട്രെയിൻ ​ഗതാ​ഗതം അൽപനേരം തടസ്സപ്പെട്ടു.

മരിച്ചത് ആരാണെന്ന് തിരിച്ചറിഞ്ഞിട്ടില്ല. മൃതദേഹം തൃശൂർ മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. യുവാവിനെ തിരിച്ചറിയുന്നതിനുള്ള അന്വേഷണം ആരംഭിച്ചു.