print edition വി എസ് അച്യുതാനന്ദൻ കേരള പുരസ്‌കാരം ഇന്ന്‌ സമ്മാനിക്കും

ആലപ്പുഴ: കേരള സ്‌റ്റേറ്റ്‌ കർഷക തൊഴിലാളി യൂണിയൻ (കെഎസ്‌കെടിയു) മുഖമാസിക ‘കർഷക തൊഴിലാളി ’യു​ടെ വി എസ് അച്യുതാനന്ദൻ -കേരള പുരസ്‌കാരം ഞായറാഴ്‌ച സമ്മാനിക്കും. വൈകിട്ട്‌ നാലിന്‌ ആലപ്പുഴ മങ്കൊമ്പ്‌ പി കൃഷ്‌ണപിള്ള സ്‌മാരക ഹാളിൽ സിപിഐ എം ജനറൽ സെക്രട്ടറി എം എ ബേബി മുതിർന്ന നേതാവ്‌ എസ്​ രാമചന്ദ്രൻപിള്ളയ്‌ക്ക്‌ പുരസ്‌കാരം നൽകും. കർഷക തൊഴിലാളി മാസിക ചീഫ്‌ എഡിറ്റർ എം വി ഗോവിന്ദൻ അധ്യക്ഷനാകും. കെഎസ്‌കെടിയു സംസ്ഥാന പ്രസിഡന്റ്‌ ആനാവൂർ നാഗപ്പൻ പ്രശംസാപത്രം അവതരിപ്പിക്കും.

വി എസ്‌ അച്യുതാനന്ദൻ കേരള സാഹിത്യ പുരസ്‌കാരങ്ങൾ അഖിലേന്ത്യാ കർഷകത്തൊഴിലാളി യൂണിയൻ പ്രസിഡന്റ് എ വിജയരാഘവൻ വിതരണംചെയ്യും. വിനോദ്‌ വൈശാഖി, വി കെ സുധീർകുമാർ, എസ്‌ അർച്ചന എന്നിവർക്കാണ്‌ സാഹിത്യ പുരസ്‌കാരങ്ങൾ. കെഎസ്‌കെടിയു ജനറൽ സെക്രട്ടറി എൻ ചന്ദ്രൻ പ്രശംസാപത്രം അവതരിപ്പിക്കും. വിപ്ലവഗായിക പി കെ മേദിനിക്ക്‌ സ്‌പെഷ്യൽ ജൂറി പുരസ്‌കാരം മന്ത്രി സജി ചെറിയാൻ സമ്മാനിക്കും.