റവന്യു ഭൂമി കയ്യേറ്റം: ​മലപ്പുറത്ത് വിജിലൻസിന്റെ മിന്നൽ പരിശോധന

മലപ്പുറം: മലപ്പുറം കൊണ്ടോട്ടി താലൂക്ക് ഓഫീസിലും വായയൂർ വില്ലേജ് ഓഫീലും മിന്നൽ പരിശോധനയുമായി വിജിലൻസ്. വാഴയൂർ വില്ലേജ് പരിധിയിൽ ചാലിയാർ പുഴയോട് ചേർന്ന് കിടക്കുന്ന റവന്യു ഭൂമി സ്വകാര്യ വ്യക്തികൾ കയ്യേറിയതായും തേക്ക് മരങ്ങൾ മുറിച്ച് മാറ്റിയതായും പരാതി ഉയർന്നിരുന്നു. സ്ഥാലത്ത് കിണർ കുറിച്ച് കൃഷിയടക്കം ആരംഭിച്ചു. റവന്യു ഉദ്യോ​ഗസ്ഥർ കൂട്ടുനിന്നാണ് കയ്യേറ്റമെന്ന ആരോപണ ഉയർന്നതോടെയാണ് വിജിലൻസ് മിന്നൽ പരിശോധന നടത്തിയത്.

വില്ലേജ് ഓഫീസുകൾക്ക് പുറമെ ഭൂമി കയ്യേറ്റം നടന്ന സ്ഥലത്തും വിജിലൻസ് പരിശോധന നടത്തി. രാവിലെ 11 മണിക്ക് ആരംഭിച്ച പരിശോധന വൈകിയും തുടരുന്നു. പരിശോധനയിൽ റവന്യു ഭൂമി സ്വകാര്യ വ്യക്തികൾ കയ്യേറിയിട്ടുള്ളതായി പ്രാഥമികമായി കണ്ടെത്തിയിട്ടുണ്ട്.

പൊതുജനങ്ങളുടെ ശ്രദ്ധയിൽ അഴിമതി സംബന്ധിച്ച വിവരങ്ങൾ ലഭിക്കുകയാണെങ്കിൽ വിജിലൻസിന്റെടോൾ ഫ്രീ നമ്പരായ 1064 എന്ന നമ്പരിലോ 8592900900 എന്ന നമ്പരിലോ വാട്ട്സ്ആപ്പ് നമ്പരായ 9447789100 എന്ന നമ്പരിലോ അറിയിക്കണമെന്ന് വിജിലൻസ് ഡയറക്ടർ മനോജ് എബ്രഹാം ഐപിഎസ് അഭ്യർത്ഥിച്ചു.