നാ​ഗമ്പടത്ത് "ര​ക്ത​ര​ക്ഷ​സ്'': ആവേശത്തോടെ സ്വീകരിച്ച് വിദ്യാർഥികൾ

കോട്ടയം: കോട്ടയം നാ​ഗ​മ്പ​ട​ത്ത് വി​ജ​യ​ക​ര​മാ​യി പ്ര​ദ​ർ​ശ​നം തു​ട​രു​ന്ന "ര​ക്ത​ര​ക്ഷ​സ്' ​കാ​ണാ​നെത്തിയ സ്കൂ​ൾ കു​ട്ടി​ക​ൾക്ക് നാടകം കാഴ്ചയുടെ പുതിയ വിരുന്നൊരുക്കി. കാലത്തെ അതിജീവിച്ചും സാങ്കേതിക വിദ്യയുടെ സഹായത്താലും പുതുമ ഒട്ടും ചോർന്നുപോകാത്ത വിധം എന്നും കാണികൾക്കിടയിലേക്കെത്തുന്ന രക്തരക്ഷസ് കാണാനെത്തിയ വിദ്യാർഥികൾ വലിയ ആവേശത്തോടെയാണ് കലാനിലയത്തിന്റെ ഏറ്റവം പ്രശസ്തമായ നാടകത്തെ വരവേറ്റത്.

പ്ര​ത്യേ​ക ഷോ വി​ദ്യാ​ർ​ഥി​ക​ൾ​ക്കാ​യി ഒ​രു​ക്കി​യിരുന്നു. യ​ക്ഷി​യാ​യി അ​ഭി​ന​യി​ച്ച ജാ​ൻ​കി കുട്ടികൾക്കിടയിലേക്ക് വ​ന്ന​പ്പോ​ൾ വ​ൻ ഹ​ർ​ഷാ​ര​വ​ത്തോ​ടെ​യാ​ണ് എ​തി​രേ​റ്റ​ത്. യ​ക്ഷി​യോ​ടൊ​പ്പം സെ​ൽ​ഫി​യും ഫോ​ട്ടോ​യും എ​ടു​ത്തായിരുന്നു മടക്കം .

നാ​ട​ക​ത്തി​ലെ ഓ​രോ കാ​ഴ്ച​ക​ളും വി​സ്മ​യ​ത്തോ​ടെ​ ക​ണ്ടു. കഴിഞ്ഞ ദിവസമാണ് എ​സ്എ​ച്ച് മൗ​ണ്ട് സേ​ക്ര​ട്ട് ഹാ​ർ​ട്ട് സ്കൂ​ളി​ലെ കു​ട്ടി​ക​ളും അ​ധ്യാ​പ​ക​രും നാ​ട​കം കാ​ണാ​ൻ എ​ത്തി​യ​ത്. നാ​ട​കാ​വ​ത​ര​ണ​ത്തി​ന് ശേ​ഷം നാ​ട​ക​ത്തി​ൽ അ​ഭി​ന​യി​ച്ച ന​ടീ​ന​ട​ന്മാ​രെ​യും അ​ണി​യ​റ​പ്ര​വ​ർ​ത്ത​ക​രെ​യും നാ​ട​ക​ത്തി​ൻറെ ക്രി​യേ​റ്റീ​വ് ഹെ​ഡ് അ​ന​ന്ത​പ​ദ്മ​നാ​ഭ​ൻ പ​രി​ച​യ​പ്പെ​ടു​ത്തി​.താ​ത്പ​ര്യ​മു​ള്ള സ്കൂ​ളു​ക​ൾ​ക്ക് വേ​ണ്ടി ക​ലാ​നി​ല​യം രാ​വി​ലെ 10 മു​ത​ൽ നാ​ട​കം അ​വ​ത​രി​പ്പി​ക്കു​ന്നു​ണ്ട്.

ആറ് പതിറ്റാണ്ട്‌ മുമ്പാണ് കലാനിലയം കൃഷ്ണൻനായരുടെ സംവിധാനത്തിൽ രക്തരക്ഷസ്സ് നാടകം അവതരിപ്പിക്കുന്നത്. നൂറ്റമ്പതിലേറെ ആർട്ടിസ്‌റ്റുകൾ അണിനിരക്കുന്ന രക്തരക്ഷസ്സ് പണ്ടും അത്ഭുതമായിരുന്നു. പുത്തൻ സാങ്കേതികവിദ്യയിൽ ഒരിടവേളയ്ക്ക് ശേഷമാണ് കൃഷ്‌ണൻ നായരുടെ മകൻ അനന്തപത്മനാഭൻ രക്തരക്ഷസ്സ് ചാപ്റ്റർ ഒന്ന് പുറത്തിറക്കിയത്‌. നാടകചരിത്രത്തിൽ തന്നെ ആദ്യമാണ് ഒരു നാടകം രണ്ടു ഭാഗങ്ങളായി അവതരിപ്പിക്കുന്നത്. കുന്നംകുളത്താണ് അടുത്ത വേദി.രക്തരക്ഷസ്സ് ചാപ്റ്റർ ഒന്ന് നാടകം ഡിസംബർ ഏഴിന് കോട്ടയത്ത് അവസാനിക്കും.